داعش موصل کے ڈیم سے ہاتھ دھو بیٹھی
ایکنانیوز-ڈیلی پاکستان-عراقی اور کرد سیکیورٹی فورسز نے دولت اسلامی عراق و شام (داعش) کے قبضے سے موصل کا ڈیم چھڑوانے کا دعویٰ کیا ہے۔غیر ملکی خبر رساں ادارے کے مطابق عراقی فوج کے ترجمان نے اپنے بیان میں دعوی کیا کہ سیکیورٹی فورسز نے کرد فوج کے ساتھ مل کر عراق کے دوسرے بڑے شہر موصل میں واقع ڈیم سے داعش کو پیچھے دھکیلتے ہوئے اس کا ایک بار پھر کنٹرول حاصل کرلیا ہے۔ دوسری جانب جنگجوﺅں کے حامیوں نے سوشل میڈیا پر اپنے پیغام میں کہا ہے کہ ڈیم پر اب بھی ہمارا قبضہ ہے۔واضح رہے کہ 2 روز قبل بھی موصل کے ڈیم سے داعش کا قبضہ چھڑوانے کے لئے عراقی اور کرد فوج نے زمینی حملہ کیا تھا جب کہ امریکی فضائیہ نے بھی داعش کے ٹھکانوں پر بمباری کی تھی ،داعش نے چند ماہ قبل موصل شہر پر قبضہ کیا تھا ،موصل ڈیم دریائے دجلہ پر بنایا گیا ہے جس سے شمالی عراق کے بڑے علاقے کو بجلی اور پانی فراہم کیا جاتا ہے۔
