انتہا پسندی اور تشدد عالمی چلینج: حسن روحانی
ایکنا نیوز- ایران ریڈیو-اسلامی جمہوریہ ایران کے صدر نے کہا ہے کہ انتہا پسندی اور تشدد جیسی مشکل کے مقابلے میں استقامت کے لئے تمام ممالک مل کر اقدامات کریں۔ ارنا کی رپورٹ کے مطابق صدر مملکت ڈاکٹر حسن روحانی نے آج صج تھران میں یوم دفاعی صنعت کے موقع پر منعقدہ تقریب میں تاکید کی کہ انتہا پسندی اور تشدد عالمی چیلینج بن چکے ہیں اور تمام ممالک حتمی طور پر اس کے مقابلے میں ڈٹ جائیں اور اس کا بھر پور مقابلہ کریں۔ صدر مملکت روحانی نے اس بات کا ذکر کرتے ہوئے کہ ایران کی دفاعی صنعت اور فوجی تربیت کا پروگرام، ملک کی ارضی سالمیت اور ڈیٹیرینٹ پاور کی بنیاد پر ہے کہا کہ اسلامی جمہوریہ ایران، کسی بھی ملک میں مداخلت، حملے اور تسلط کا سوچ بھی نہیں سکتااور تھران ملکوں کے مفادات کے تحفظ پر یقین رکھتا ہے۔ صدر مملکت ڈاکٹر روحانی نے تاکید کی کہ اسلامی جمہوریہ ایران اپنی خود مختاری کے تحفظ کے دائرے میں دشمنوں کی سازشوں اور دھمکیوں کے مقابلے میں آرام سے نہیں بیٹھے گا ۔ اسلامی جمہوریہ ایران کے صدر نے مزید کہا کہ ہمسایوں کو یہ بات اچھی طرح جان لینا چاہیے کہ دفاعی صنعت میں ایران کی توانائی، صرف اس کی سیکیورٹی کے لئے نہیں ہے بلکہ پورے علاقے کی سلامتی کے لئے ہے۔
