شیخ الازہر کا آیت اللہ مکارم شیرازی کو خط کا جواب
ایکنا نیوز- شفقنا- شیخ الازہر کی جانب سے آیت اللہ العظمیٰ مکارم شیرازی کو لکھے گئے خط میں آیا ہے: ’’ اس زمانے میں مذہبی اختلافات عقیدتی اختلافات کی حد تک باقی نہیں رہے ہیں بلکہ جنگ اور کشت و کشتار میں بدل چکے ہیں کہ جن سے نہ اہل سنت کو کوئی فائدہ پہنچ رہا ہے اور نہ شیعوں کو بلکہ صرف وہ لوگ اس جنگ و جدال سے فائدہ اٹھا رہے ہیں جو اسلام کے دشمن ہیں اور مسلمانوں کی کمین میں بیٹھے ہیں۔
انہوں نے مزید کہا: استعماری سیاستمدار ان مذہبی اختلافات، قتل و غارت، دوسروں کے امور میں مداخلت اور دینی مقدسات کی توہین وغیرہ سے فائدہ اٹھاتے ہیں۔
انہوں نے اسلامی مذاہب کے علماء کے درمیان باہمی گفتگو کی ضرورت پر زور دیتے ہوئے واضح کیا: میں نے بارہا شیعہ و سنی بزرگ علماء کی باہمی کانفرنس کی ضرورت پر تاکید کی ہے تاکہ اس کے ذریعے ہم ان خطرات کا مقابلہ کر سکیں جو ہمیں درپیش ہیں اور مثبت اور کامیاب نتیجہ حاصل کر سکیں۔ اس کانفرنس میں اہل سنت کے ذریعے شیعوں کے قتل اور اہل تشیع کے ذریعے سنیوں کے قتل کی حرمت کا واضح فتویٰ دیا جائے۔
شیخ الازہر نے آخر میں امید ظاہر کی ہے کہ آیت اللہ العظمیٰ مکارم شیرازی بھی اس کانفرنس میں شرکت کریں۔
