ایران بہر میں سید الشھداء کا چہلم عقیدت و احترام سے منایا گیا
ایکنانیوز- مہر خبررساں ایجنسی کی رپورٹ کے مطابق اسلامی جمہوریہ ایران میں کل بدھ کے روز نواسہ رسول حضرت امام حسین(ع)کا چہلم انتہائی احترام اور عقیدت کے ساتھ منایا گیاہے۔ شب اربعین میں پورے ایران میں مجالس عزا اور جلوسوں کا سلسلہ جاری رہا۔ کل چہلم کے روز پورے ایران میں عام تعطیل رہی اور نواسۂ رسول حضرت امام حسین علیہ السلام کے چہلم کے سلسلے میں مجالس عزا اور جلوسوں کا سلسلہ جاری رہا۔
ادھر کربلا میں عزاداران امام مظلوم کی ایک بڑی تعداد عراق اور دنیا کے دیگر علاقوں سے آپ کا غم منانے کے لیے کربلا پہنچی ہے۔ بدھ بیس صفر کو اسلامی جمہوریہ ایران میں سید الشہدا حضرت امام حسین علیہ السلام کا چہلم منایا گیا جبکہ عراق اور پاکستان میں آج کو چہلم منایا جائے گا- اسی مناسبت سے ایران اور پوری دنیا کے کروڑوں زائرین عراق پہنچے ہیں۔ عراق سے ملنے والی خبروں میں کہا گیا ہے کہ مختلف شہروں خاص طور پر نجف اشرف سے کروڑوں زائرین سیدالشہدا حضرت امام حسین(ع)اور ان کے اصحاب با وفا کے چہلم میں شرکت کے لئے کربلائے معلی کی جانب پیدل چل کر پہنچے ہیں- اس درمیان زائرین کی بہت بڑی تعداد ایسی ہے جو انجمنوں اور ماتمی دستوں کی شکل میں یہ راستہ طے کرکے پہنچے ہیں-
چہلم کے موقع پر کربلائے معلی میں کروڑوں زائرین کے اجتماع کو عالمی ذرائع ابلاغ میں وسیع پیمانے پرکوریج دی جاتی ہے۔
1860014
