بغدادمیں کاربم دھماکا،متعدد زایرین شہید اور زخمی
بین الاقوامی گروپ:عراق کے دارالحکومت بغداد میں کار بم دھماکہ ہوا جس کے نتیجے میں خواتین اور بچوں سمیت 14افراد شہید اور متعدد زخمی ہو گئے
ایکنا نیوز- پریس ٹی وی کے مطابق بغداد کے جنوب مشرقی علاقے میں کار بم دھماکہ ہوا جس کی زد میں آکر کاظمین پیدول روی کرنے والے چودہ افراد جاں بحق جبکہ کئی زخمی ہو گئے جنہیں ہسپتال منتقل کر دیا گیا ہے ،دھماکے میں زخمی ہونے والے زیادہ تر افراد کی حالت تشویشناک ہے اور ہلاکتوں میں اضافے کا بھی خدشہ ہے۔
دھماکے کے بعد پولیس اور قانون نافذ کرنے والے اداروں کے حکام نے موقع پر پہنچ کر جائے حادثہ کو سیل کر دیا اور داخلی و خارجی راستے بند کر کے شواہد اکٹھے کرنے کا سلسلہ جاری ہے ۔
عراقی پولیس کا کہنا ہے کہ دھماکہ خیز مواد کار میں رکھا گیا تھا جس میں دھماکہ ہو نے سے اس قدر جانی نقصان ہوا ۔
نظرات بینندگان
