عراق: اربعین پر اب تک کوئئ سیکورٹی ایشو نہیں ہوا ہے
ایکنا نیوز، عراقی سرکاری خبر رساں ایجنسی نے بتایا کہ عراق کی اعلیٰ کمیٹی برائے ہم آہنگی زیاراتهای نے پیر، کو اعلان کیا کہ عراقی سیکیورٹی ادارے گذشتہ 16 روز سے زیارت اربعین کی حفاظت کے لیے سب سے بڑے سیکیورٹی منصوبے پر عمل درآمد کر رہے ہیں۔
کمیٹی کے ترجمان مقداد میری نے کربلا معلی میں ایک پریس کانفرنس میں کہا: "16 روز سے سیکیورٹی فورسز صبر اور ثابت قدمی کے ساتھ اس منصوبے کو شروع کر چکی ہیں اور تمام دستیاب وسائل سے سیکیورٹی اقدامات پر عمل کر رہی ہیں۔
انہوں نے مزید کہا: خوش قسمتی سے اب تک کوئی سیکیورٹی خلاف ورزی ریکارڈ نہیں ہوئی ہے۔
مقداد میری نے وضاحت کی کہ اس منصوبے میں انٹیلی جنس صلاحیتوں اور حرارتی کیمروں سے استفادہ کیا جا رہا ہے۔ اس کے علاوہ، اس سال کا منصوبہ بغیر ہتھیار کے نافذ ہوا، ٹرانسپورٹ سہولیات میں پچھلے سالوں کے مقابلے میں بہتری آئی ہے اور خدمات رسانی کا معیار بھی بلند ہوا ہے۔
انہوں نے سیکیورٹی فورسز کے لچکدار رویے کی طرف اشارہ کرتے ہوئے کہا کہ افواہوں سے ذہانت، تیزی اور سنجیدگی کے ساتھ نمٹا گیا ہے۔
انہوں نے زائرین کو سیکیورٹی اور خدمات میں شریکِ کار قرار دیتے ہوئے عوام سے تعاون اور یکجہتی کی اپیل کی۔
ان کے مطابق، زیارت کا مجموعی ماحول مثبت ہے اور اسے افواہوں سے خراب نہیں ہونا چاہیے۔ مزید یہ کہ آگ لگنے کے واقعات سے بچاؤ کے لیے خصوصی اقدامات کیے گئے ہیں۔
مقداد میری نے یہ بھی بتایا کہ انٹیلی جنس اداروں نے 30 لاکھ سے زائد غیر ملکی زائرین کے داخلے کو ممکن بنایا ہے۔/
4299484
