بغداد میں امام جواد(ع) کی شہادت پر قرآنی اسٹالز

ایکنا: قرآنِ کریم کے علمی مرکزِ آستانِہ مقدس عباسی نے بغداد کے مقدس شہر کاظمین میں امام جوادؑ کی زیارت کی مناسبت سے خصوصی مرکزی قرآنی اسٹیشن قائم کیا ہے۔

ایکنا نیوز- الکفیل نیوز چینل کے مطابق بغداد میں قائم مرکزِ قرآنِ کریم، جو آستانہ عباسی کے علمی قرآنی مرکز سے وابستہ ہے، نے اس اسٹیشن کو قرآنی ثقافت کے فروغ اور دینی مناسبتوں میں زائرین کی خدمت کے مقصد سے اپنے پروگراموں کے ایک حصے کے طور پر قائم کیا ہے۔

اس مرکز کے شعبۂ سرگرمیوں کے سربراہ محمد عمیر الساعدی نے کہا کہ اس اسٹیشن میں زائرین کو قرآنِ کریم کی درست قرأت سکھانے کا ایک خصوصی منصوبہ شامل ہے، جبکہ اس مناسبت سے امام جوادؑ کے زائرین کی خدمت کے لیے متعدد قرآنی تقریبات اور سرگرمیاں بھی منعقد کی جا رہی ہیں۔

انہوں نے مزید کہا کہ یہ اقدامات روحانی ماحول کو مضبوط بنانے اور لاکھوں زائرین کی حاضری کے دوران معاشرے کے مختلف طبقات میں قرآنِ کریم کی تعلیمات کو عام کرنے میں مددگار ثابت ہوں گے۔

یہ امر قابلِ ذکر ہے کہ بغداد کا مرکزِ قرآنِ کریم مختلف دینی مناسبتوں کے موقع پر قرآنی پروگراموں کے انعقاد کے ذریعے زائرین تک قرآن کا پیغام پہنچانے اور معاشرے میں قرآن کی موجودگی کو مزید مستحکم کرنے کی کوشش کرتا رہتا ہے۔/

4352664