عمرہ زائرین کے لیے ویزا کا اجراء شروع
ایکنا نیوز- صبانیوز کے مطابق سعودی عرب نے آج جو سعودی عرب کے مطابق یکم ذی الحجہ ہے، سے عمرہ ویزا جاری کرنا شروع کر دیا ہے۔ وزارت کی جانب سے یہ بھی اعلان کیا گیا ہے کہ “عمرہ زائرین کا استقبال دو ہفتے بعد شروع کیا جائے گا۔
گزشتہ سال سعودی حکام ذی القعدہ کے آغاز ہی سے ویزے جاری کر رہے تھے، تاہم اس سال “نسک” نظام کی اپ ڈیٹ، جس میں ذاتی معلومات اور سفری ریکارڈ شامل کیا گیا، ویزا اجرا کے نظام کی فعالیت میں ایک ماہ کی تاخیر کا سبب بنی۔
سعودی عرب کے پبلک سیکیورٹی چیف اور حج سیکیورٹی کمیٹی کے سربراہ محمد الباسم نے حج سیکیورٹی فورسز اور ان اداروں کا دورہ کیا جو 1447 ہجری کے حج سیزن میں حجاجِ بیت اللہ کی خدمت میں شریک ہیں۔ انہوں نے مقدس مقامات پر تمام فورسز کی مکمل تیاری پر زور دیا۔
اخبار 24 کے مطابق، البسامی نے اپنے دورے کے دوران کہا کہ سیکیورٹی اور انتظامی منصوبے مکمل طور پر تیار ہیں اور ان کا مقصد زائرین کی سلامتی، تحفظ اور آرام کو یقینی بنانا ہے تاکہ وہ آسانی اور اطمینان کے ساتھ اپنے مناسک مکمل کر سکیں۔
رواں سال غیر ملکی زائرین مناسکِ حج کے اختتام کے دو دن بعد، یعنی 14 ذی الحجہ سے عمرہ مفردہ ادا کر سکیں گے، تاہم ایران کی حج و زیارت تنظیم نے ابھی تک زائرین کی روانگی کے لیے اجازت نامہ جاری نہیں کیا ہے۔
دوسری جانب سعودی وزارتِ داخلہ نے ایک بیان میں خبردار کیا ہے کہ جو غیر ملکی اپنے ویزے کی مدت ختم ہونے کے بعد بھی ملک چھوڑنے میں تاخیر کرے گا، اسے 50 ہزار ریال تک جرمانہ، 6 ماہ تک قید اور ملک بدری کی سزا دی جا سکتی ہے۔
وزارتِ داخلہ نے تمام افراد سے اپیل کی ہے کہ وہ رواں حج سیزن کی ہدایات پر سختی سے عمل کریں اور متعلقہ اداروں کے ساتھ تعاون کریں تاکہ زائرین کی سلامتی اور امن کو یقینی بنایا جا سکے۔ وزارت نے واضح کیا کہ ان ہدایات کی خلاف ورزی قانونی سزا کا باعث بنے گی۔/
4352627
