Səudiyyənin İngiltərədəki səfirliyi önündə aksiya olub
Tehran(İQNA)- Londonda yaşayan müsəlmanlar Səudiyyə Ərəbistanının London səfirliyi qarşısında aksiya keçirib.
Beynəlxalq Quran Xəbər Agentliyi(İQNA) İslamazeri.az-a istinadla xəbər verir ki, Londonda yaşayan müsəlmanlar Səudiyyə Ərəbistanının London səfirliyi qarşısında aksiya keçirib. Əvvəlcədən "Facebook" sosial şəbəkəsində sözləşən qrup səfirlik qarşısında görüşüb. Onlar Küveytdə cümə namazı zamanı törədilən terror aktını qınayaraq, əllərində "Terrorizmin dini yoxdur" , "Nə vaxta kimi şiə soyqırımının şahidi olacağıq?", "Biz məzhəbçiliyə qarşıyıq" kimi şüarlar əks olunan lövhələr qaldırıblar.
