İranın Bəsrədəki baş konsulu: “Ərbəin yürüşü ilə bağlı hələ qərar verilməyib”
İranın Bəsrədəki baş konsulu Əhməd Siahpuş deyib ki, İraq və İran hələ İmam Hüseynin (ə) Ərbəin yürüşü mərasimini keçirmək barədə son qərar verməyib və hər iki ölkə bu məsələyə şübhə ilə yanaşır.
Deyerler.org Mehrnews-a istinadən xəbər verir ki, Əhməd Siahpuş bu gün (22 iyul) günortadan sonra jurnalistlərə verdiyi açıqlamasında, İranın Xuzistan qubernatoru Qulamrza Şəriəti ilə İraqın Ziqar qubernatoru arasında Xürrəmşəhrdə keçirilən görüş barədə bunları deyib: “Ölkələrdə koronavirus problemi və qadağalar həll olunarsa, Ərbəin mərasimini keçirməyə hazırıq”.
İranın Bəsrədəki baş konsulu əlavə edib ki, Ərbəin yürüşünü keçirmək arzusundadırlar.
“Ərbəin yürüşünün iki xalq arasında bir əlaqə olduğunu nəzərə alsaq, koronavirus problemi aradan qalxsa, Ərbəin ziyarətini karvanlar şəklində keçirməyə çalışarıq”, - deyə o, bildirib.
Hər iki ölkə tərəfindən koronavirus epidemiyası ilə əlaqədar lazım olan sağlamlıq məsələləri və yoluxmaları müşahidə etmək və problemlərin həll edilib-edilmədiyini müşahidə etmək üçün səylər edilir. Problem aradan qalxarsa, insanların ziyarət etməsi üçün bu böyük yürüş keçiriləcək və Səhiyyə Nazirliyinin bu mövzuda bir çox tövsiyəsi olacaq.
Mehr müxbirinin “Ziqar qubernatorunu Xuzistan əyalətindən kömək istəməyə məcbur edən sağlamlıq infrastrukturunun olmaması təqdird., Ərbəin mərasiminin keçirilməsi üçün hansı əsaslandırma verilə bilər?” sualına Siahpuş belə cavab verib: “İraq əyalətlərinə oksigen tədarükü ilə mümkün qədər kömək etmək üçün işlər görülür və ehtiyac olduğu təqdirdə digər tibbi avadanlıqlarla da kömək etməyə hazırıq.
Ancaq hələ də İraqın tibbi infrastrukturunun Ərbəin üçün məsuliyyət daşımadığı qənaətindədirsə, Ərbəin ziyarəti mərasimi baş tutmayacaq”.
