Paris Olimpiadasında hicab qadağası insan hüquqlarının açıq-aşkar pozulmasıdır

İnsan haqları təşkilatları və avropalı fəallar Paris Olimpiadasında fransalı qadın idmançıların hicab geyinməsinə qadağa qoyulmasını Fransanın gender bərabərliyi iddialarının açıq şəkildə pozulması, eləcə də insan hüquqlarının açıq şəkildə pozulması kimi qiymətləndiriblər.

"İQNA", "Əl-Cəzirə"-yə istinadən xəbər verir ki, Amerikanın “Time” jurnalı Fransanın gələn cümə günü Parisdə başlayacaq Yay Olimpiya Oyunlarında hicablı fransız idmançıların iştirakına mane olan qərarından geri çəkilmədiyini bildirib.
Jurnalın müxbiri Armani Səidin hesabatında deyilir: "İnsan haqları təşkilatlarının nöqteyi-nəzərindən bu qərar, ən yaxşı halda, Fransanın 2024-cü il Paris Olimpiadasında gender bərabərliyinə zəmanət vermək vədinə ziddir, ən pis halda, insan hüquqlarına dair beynəlxalq konvensiyaların pozulmasıdır.
"Bu qərar müsəlman qadınlara açıq mesaj verir ki, Fransa hakimiyyəti kişi və qadınlar arasında bərabərlikdən danışanda qadınları nəzərdə tutmur", - deyə "Amnesty International"-ın Avropadakı qadın hüquqları üzrə tədqiqatçısı Anna Bellos deyib.
Bellos əlavə edib: "Bizim təşkilat kimi böyük insan haqları qruplarının bu mövzuda açıq danışması və cəmiyyətləri illərdir şeytanlaşdırılmış və alçaldılmış müsəlman qadın hüquqları hərəkatları ilə həmrəyliklərini açıq şəkildə nümayiş etdirmələri vacibdir".
"Amnesty International" çərşənbə axşamı yeni hesabatında Fransa hakimiyyətini futbol, ​​voleybol və basketbol da daxil olmaqla bir sıra idman növlərində hicabın qadağan edilməsinə görə tənqid edib.
Hesabatda deyilir: Fransanın baş örtülü idmançılarına qoyulan qadağa və onların Olimpiya Oyunlarında iştirakına mane olmaq beynəlxalq insan haqları qanunlarının pozulması və Fransa hakimiyyəti tərəfindən ayrı-seçkilik yaradan ikiüzlülükdür. Həm də Beynəlxalq Komitənin, Olimpiadanın zəifliyini ortaya qoyur.
4228248