Terrorçulara qoşulanlar Tacikstan vətəndaşlığından məhrum ediləcəklər

Tehran(İQNA)- Xaricdə terrorçu təşkilatların tərkibində döyüşən Tacikistan vətəndaşları avtomatik olaraq, vətəndaşlıq statusundan məhrum ediləcəklər.

Beynəlxalq Quran Xəbər Agentliyi(İQNA)-nın İslam.az-a istinadən verdiyi xəbər göre, ölkə parlamentinin Aşağı Palatası "Tacikistan vətəndaşlığı haqqında" qanuna dəyişiklik edib və qanuna yeni maddə əlavə olunub. Məlumata görə, "Tacikistan vətəndaşlığı haqqında" qanun 1995-ci ildə qəbul olunub.

Qeyd edək ki, Tacikistan Daxili İşlər Nazirliyinin Xüsusi Təyinatlı Milis Dəstəsinin keçmiş komandanı Gülmurod Halimov İŞİD-ə qoşulub. Ötən gün onun yaralandığı haqda xəbərlər də yayılıb.