Küveyt şiələrinin məscidində İŞİD terrorunda 27 şəhid
İQNA-nın (Beynəxalq Quran Xəbər Agentliyi) "əl-Məyadin" peyk TV kanalının rəsmi xəbər və informasiya portalına istinadən verdiyi xəbərə görə keçən Cümə günü, Küveyt şiələrinin İmam Sadiq (ə) adına məscidində terror hadisəsi baş verib. Küveytin "əs-Səvabir" məntəqəsi məscidində İŞİD ünsürləri tərəfindən həyata keçirilən terror partlayışında onlarla şəhid olanlar və yaralananlar vardır.
Verilən xəbərə görə terrorist ünsür özünü Cümə namazının axırıncı rəkətində partladıb. Bu terror hücumunda şəhidlərin sayı 27 nəfərə çatıb. Xəbərlərə görə 227 nəfərdən çox namazqılan isə yaralanıb. Bu barədə Küveytin Səhiyyə Nazirliyi hesabat verib. Həmçinin xəbərlərdə deyilir ki, Küveytin parlament nümayəndələrindən biri də bu hadisədə yaralanıb və iki iranlı vətəndaş isə şəhid olub.
