Bosniyada hicab qadağasına etirazlar davam edir
IQNA (Beynəlxalq Quran Xəbər Agentliyi) Maide.az-a istinadla xəbər verir ki, aksiyaya 2000 nəfərdən çox insanın qatıldığı bildirilir. Aksiya iştirakçıları əllərində, "Hicab mənim gündəlik seçimimdir", "Hicab mənim haqqım və həyatımdır" və sair şüarlarının yazıldığı plakatlar daşıyıblar.
Aksiya iştirakçıları bildiriblər ki, biz bura toplaşmışıq ki, ayrı seçkiliyə və təcridə öz etirazımızı bildirək. Məhkəmə orqanlarında hicabın qadağan olunması müsəlmanın şəxsiyyətinə hörmətsizlikdir.
Qeyd edək ki, Ali Məhkəmənin qərarına əsasən, Bosniyanın hicablı vətəndaşları məhkəmələrə müraciət edərkən başlarını açmalıdır. Bundan başqa hicablı qadın vəkillər, qazilər və digər ekspertlər məhkəmə zalına girərkən öz hicablarını açmalıdırlar. Bu qərar Bosniya və Herseqovina müsəlmanlarının, siyasətçilərinin və dini rəhbərlərin etirazına səbəb olub.
Belə ki, Bosniya və Herseqovina müsəlmanları sosial mediada bu qərarın əleyhinə kampaniya başladıblar. Həmçinin fevralın 1-də Beynəlxalq hicab günü də bu qadağaya etiraz məqsədilə aksiya keçirilib.
Bosniya və Herseqovinanı 3 milyon 800 min nəfər əhalisi var ki, onların 49 faizini müsəlmanlar təşkil edir.
