Quranın hansı ayəsi bütün Ərəb əlifbasını ehtiva edir
İQNA-nın "səda əl-bələd” xəbər və informasiya portalına istinadla
verdiyi xəbərə görə, Misirin Əl-Əzhər İslami Mərkəzinin ustadı və dini təbliğatçı
Məhəmməd Vəhdan bu ölkənin rəmsi peyk TV kanalında söhbəti zamanı Quran-Kərimin
ayələrindən birində bütün Ərəb əlifbası hərflərinin işləndiyini deyib.
Tv proqramda Quran-Kərimin ecazkarlığı və əsrarəngizliyi barədə
söhbət açan Məhəmməd Vəhdan dedi: Ərəb əlifbasının bütün hərifləri Quran-Kərimin
"Fəth” surəsinin 29-cu ayəsində istifadə edilmişdir.
Quran-Kərimin "Fəth” surəsinin 29-cu ayəsi:
«مُّحَمَّدٌ
رَّسُولُ اللَّهِ وَالَّذِينَ مَعَهُ أَشِدَّاء عَلَى الْكُفَّارِ رُحَمَاء
بَيْنَهُمْ تَرَاهُمْ رُكَّعًا سُجَّدًا يَبْتَغُونَ فَضْلًا مِّنَ اللَّهِ
وَرِضْوَانًا سِيمَاهُمْ فِي وُجُوهِهِم مِّنْ أَثَرِ السُّجُودِ ذَلِكَ
مَثَلُهُمْ فِي التَّوْرَاةِ وَمَثَلُهُمْ فِي الْإِنجِيلِ كَزَرْعٍ أَخْرَجَ
شَطْأَهُ فَآزَرَهُ فَاسْتَغْلَظَ فَاسْتَوَى عَلَى سُوقِهِ يُعْجِبُ الزُّرَّاعَ
لِيَغِيظَ بِهِمُ الْكُفَّارَ وَعَدَ اللَّهُ الَّذِينَ آمَنُوا وَعَمِلُوا
الصَّالِحَاتِ مِنْهُم مَّغْفِرَةً وَأَجْرًا عَظِيمًا ».
Misirin "Əl-Asimə” peyk Tv kanalında "Mənhəcu-Həyat”
(Həyat tərzi) proqramının qonağı olan Əl-Əzhər İslam
Mərkəzinin ustadı və dini təbliğatçı Məhəmməd Vəhdan müsahibəsində dedi: Quran-Kərimin ayələrində maraqlı məqamlar,
elmi və ədəbi ecazkarlıqlar və əsrarəngizliklər doludur. Buna misal olaraq
deyim ki, Yusif surəsinin 100-dən çox ayəsinin olmasına rəğmən bu ayələrdə bir
dəfə də olsun "cənnət” və "nar” (atəş, od) sözü istifadə edilməmişdir.
O əlavə etdi: Başqa misal olaraq Bəqərə surəsini
göstərmək olar ki, bu surədə 1000 əmr feli (et), 1000 nəhy feli (etmə,
qadağandır) və 1000 xəbər cümləsi istifadə edilmişdir.
Məhəmməd Vəhdan əlavə etdi: Quran-Kərimin sirləri
və qəribəlikləri qurtaran deyil və Qiyamət gününədək müxtəlif möcüzələr ortaya
qoyacaqdır.
