Rusiyada müsəlman telekanalı yaradılır
Rusiya Müftilər Şurası sədrinin birinci müavini Ruşan Abbasov jurnalistlərə deyib ki, telekanalının sınaq buraxılışı gələn il nəzərdə tutulur.
Rusiya Müftilər Şurası müsəlman peyk kanalının yaradılması üzərində işləyir. Trend-in verdiyi məlumata görə, Şura sədrinin birinci müavini Ruşan Abbasov jurnalistlərə deyib ki, telekanalının sınaq buraxılışı gələn il nəzərdə tutulur.
O qeyd edib ki, telekanalda Rusiyada yaşayan müsəlman xalqlarının mədəniyyəti, adət-ənənəsindən bəhs olunacaq.
R.Abbasovun sözlərinə görə, hazırda layihə razılaşdırma mərhələsindədir, danışıqlar gedir.
Telekanalın gələcəkdə ingilis və ərəb dillərində yayımlanacağı istisna olunmur.
