Mövsüm Səmədovun Appelyasiya məhkəməsi keçirilib
İQNA-nın (Beynəlxalq Quran Xəbər
Agentliyi) İslamazer.az-a istinadla verdiyi xəbərə əsasən, Appelyasiya şikayəti
Qaradağ Rayon Məhkəməsinin Azərbaycan İslam Partiyasının sədri Mövsüm Səmədovun
3 il müddətinə Qobustan Qapalı Tipli Həbsxanasına köçürülməsi ilə bağlı verdiyi
qərarla bağlı idi.
Məhkəmədə AİP rəhbbərliyi, funksionerləri çoxlu sayda inanclı kəsimin nümayəndələri
iştirak ediblər.
Bu barədə xəbər verən İslaminSesi yazır ki, məhkəmə prosesi hakim Vüqar Məmmədovun
sədrliyi ilə baş tutub.
Məhkəmə prosesində doktor Səmədovun vəkili bir neçə vəsatətlə çıxış edib. Vəkil məhkəmə heyətinin diqqətinə çatdırıb ki, Qaradağ Rayon Məhkəməsində keçirilən ilkin baxış zamanı şikayətçilər və şahidlərdən heç kim dindirilməyib.
4 saat davam edən məhkəmə prosesində heç bir araşdırma aparılmadan, istintaqa verilən şahid ifadələri alınmadan 16 səhifəlik işə 10 dəqiqə ərzində baxış keçirilərək qərar çıxarılıb.
Məhz buna görə də vəkil ilkin məhkəmə prosesi zamanı Hacı Mövsüm Səmədovun guya günahkar olduğunu sübuta yetirən həmin şahid ifadələrinin alınmasını və məhkəmədə iştiraklarının təmin olunmasını istəyib. Lakin vəsatətlər məhkəmə tərəfindən təmin edilməyib və növbəti məhkəmə baxışı iyul ayının 17-si, saat 11: 30â€"a təyin olunub.
