İraqda polislə etirazçıların toqquşması nəticəsində beş nəfər ölüb
İraqın Bəsrə şəhərində etiraz aksiyaları davam edir. Bu aksiyalarda 41 nəfəri sivil vətəndaş və 27 nəfəri təhlükəsizlik qüvvələrindən olmaqla 68 nəfər yaralanıb.
İQNA-nın (Beynəlxalq Quran Xəbər Agentliyi) verdiyi xəbərə görə, İraqın Bəsrə şəhərində etiraz aksiyaları davam edir. Bu aksiyalarda 41 nəfəri sivil vətəndaş və 27 nəfəri təhlükəsizlik qüvvələrindən olmaqla 68 nəfər yaralanıb.
Məlumatda deyilir ki, polislərlə etirazçıların toqquşması nəticəticəsində azı 5 nəfər həlak olub. Ölənlər arasında həm etirazçılar, həmdə polsilər var.
Hazırda etirazçılar əyalət administrasiyasının binasını mühasirəyə alıblar, polislər etirazçıları dağıtmaq üçün gözyaşardıcı qazdan istifadə edir.
Xatırladaq ki, bir neçə aydır ki, Bəsrə əhalisi hökumətin sosial siyasətindən razı deyil. Bəsrəlilər işsizlik, su təminatı və elektrik enerjisi təminatından narazıdırlar.
Qeyd edək ki, bir müddət öncə Bəsrədə çirkili içməli sudan on səkkiz min insan zəhərlənib.
