İQNA-nın (Beynəlxalq Quran Xəbər Agentliyi) verdiyi xəbərə görə, keçən gecə (şənbə, 5 Dekabr 2019) Misrin paytaxtı Qahirənin şərqində yerləşən Nəsr qəsəbəsindəki kilsənin həyətində partlayış törədilib.
Misrin təhlükəsizlik mənbələrinin verdiyi məlumata əsasən, Qahirənin şərqində yerləşən Üzbətul-Hicanə rayonunun Nəsr qəsəbəsindəki Əbu Seyfeyn kilsəsində partlayıcı maddəni zərərsizləşdirmək istəyən Mustafa Ubeyd həlak olub. Hadisə nəticəsində digər iki polis əməkdaşı yaralanıb.
Misrin əl-Əzhər İslam Mərkəzi bəyaniyyə yayaraq ibadət ocaqlarının hədəfə alınması və günahsız insanların terror edilərək öldürülməsini məhkum və bu cinayətləri İlahi dinlərin, o cümlədən İslam dininin müqəddəs təlimlərinə zidd hesab etdi.
əl-Əzhər İslam Mərkəzi bəyaniyyənin davamında terrorizmlə mübarizə aparan bütün qrumlarla əməkdaşlığa hazır olduğunu bildirib.
Misrin Ortodoks Qibti kilsəsi hadisə ilə bağlı başsağlığı verib və təhlükəsizlik qüvvələri və polisə təşəkkürünü bildirib.