İQNA-nın (Beynəlxalq Quran Xəbər Agentliyi) verdiyi xəbərə görə, Mərakeşin cənubunda yerləşən ər-Rəşidiyyə şəhər məscidinə hücum edən anonim şəxslər Qurani-Kərimi yandırıblar.
Məsciddə namazqılan tələbələr gözlənilmədən hücuma məruz qaldıqlarını deyiblər.
Tələbələr ibadət ocağına daxil olarkən məscidin şüşələrinin sındırıldığını, məscid təchizatının ətrafa dağıldığını görüblər.
Məscidə hücum edən naməlum şəxslər Qurani-Kərim nüsxələrini və məscidin əşyalarını və müxtəlif yerlərini yandırıblar. İndiyədək bu cinayəti törədənlərin kimliyi məlum edilməyib.
Qeyd edək ki, bundan öncə də Mərakeşin Qüds, Səfa, Fəlah və Qəzbətul-Əmn məscidlərinə də islamofob radikallar tərəfindən hücumlar edilib.