Hacı İlham Əliyevin həbs müddəti uzadılıb
Azərbaycan İslam Partiyasının sədr əvəzi, ilahiyyatçı Hacı İlham Əliyevin həbs müddəti uzadılıb.
IQNA (Beynəlxalq Quran Xəbər Agentliyi) “musavat.com”a istinadla xəbər verir ki, Səbail Rayon Məhkəməsi istintaq orqanının təqdimatına əsasən İlham Əliyev və onunla birlikdə həbs edilən Mehman Rzayev barəsində seçilmiş həbs qətimkan tədbirinin müddətini uzadıb.
Məlumatda həbs müddətinin nə qədər uzadıldığı qeyd olunmayıb.
Qeyd edək ki, Hacı İlham Əliyev bu ilin fevral ayında saxlanılıb. Ona qarşı Cinayət Məcəlləsinin 274-cü maddəsi ilə ittiham irəli sürülüb. Mehman Rzayev də eyni maddə ilə ittiham olunur.
Hacı İlham Əliyev barəsində bundan öncə 4 ay müddətinə həbs qərarı çıxarılmışdı.
