Toronto şəhər şurasına ilk dəfə müsəlman xanım seçilib
"İQNA", " CTV News"-a istinadən xəbər verir ki, bu il Toronto Şəhər Şurasında doqquz yeni sima, o cümlədən vəzifəyə seçilən ilk örtülü qadın üzv olacaq.
38 yaşlı qadın Əsma Malik 11 digər rəqibi ilə rəqabətdə 36,6 faiz səslə Ward 10-Spadina-Fort Yorkdan şəhər şurası üzvlüyünü qazanıb.
O, deyir ki, şəhər üzrə nəticələrə baxsanız, bu, həyəcan vericidir. Biz Torontoda təkcə siyasi rəhbərliyin simasını deyil, həm də məzmununu dəyişirik.
Malik siyasi arenada ilk dəfə deyil ki, tarix yazır. O, 2014-cü ildən 2018-ci ilə qədər Ward 10-Trinity-Spadina-da məktəb idarə heyətinin üzvü kimi fəaliyyət göstərmişdir. O, Kanadada dövlət vəzifəsinə seçilən ilk hicablı müsəlman qadın olub.
O əlavə edib ki, daha iqtisadi yaşamaq və ən əsası iqlim böhranını həll etmək mənim prioritetlərimdən biridir.
Şura üçün kampaniyasına başlamazdan əvvəl Malik Ontarioda sosial və iqtisadi ədaləti təbliğ edən qeyri-kommersiya təşkilatı olan Atkinson Fondunda vəkillik və təşkilatçılıq üzrə direktor vəzifəsində çalışıb.
Malik bildirib ki, şəhər şurasının üzvü kimi onun əsas prioritetlərindən biri də daha çox kirayə və kommersiya məqsədli ev tikmək və kirayələrə nəzarəti daha da gücləndirməklə mənzil qiymətlərini daha əlverişli etməkdir.
4096754
