İnsanın daimi zərəri
Quran ayələrində insan zərəri təbirindən istifadə edilir; Bu özünü itirmək deməkdir. İnsan bu dünyada yaşaya bilər, çox şeyə sahib ola bilər, amma özünü itirə bilər. Necə ki, "Zumər" surəsinin 15-ci ayəsində buyurulur
«فَاعْبُدُوا مَا شِئْتُمْ مِنْ دُونِهِ قُلْ إِنَّ الْخَاسِرِينَ الَّذِينَ خَسِرُوا أَنْفُسَهُمْ وَأَهْلِيهِمْ يَوْمَ الْقِيَامَةِ أَلَا ذَلِكَ هُوَ الْخُسْرَانُ الْمُبِينُ»
"Siz də Ondan başqa istədiyinizə ibadət edin! De: Əsl ziyan çəkənlər (axirəti əldən verənlər) qiyamət günü özlərini və ailələrini (özlərinə bağlı olanları) ziyana uğradanlardır. Bax, açıq-aşkar ziyan budur!".
Lüğətdə “Xusr” sözü insanın əsas sərmayəsində nöqsanın olması deməkdir. Əllamə Təbatəbainin fikrincə, “Xüsr” və “Xusran” kəlmələri həm sərmayənin itirilməsi, həm də “Xüsran Nəfs” insanın özünü məhvə düçar etməsi mənasına gəlir. Elə ki, öz kamalına çatmaq imkanını əldən verir və xoşbəxtliyini itirir. Əsl zərər də budur, çünki Qiyamət gününün zərərləri sonsuz və əbədidir.
Bu ayə insanın özü ilə münasibətini yaxşılaşdırmaqda “iman”ın təsirini göstərə bilər; Demək olar ki, Allahla əlaqəsini quran bir şəxs öz içində bir toxum əkmişdir ki, tədricən inkişaf edəcək və onun təsirlərini varlığında görəcək. Bu təsirin insanın Allahla fitri əlaqəsi olmasından başqa bir dəlili yoxdur və onun aqibəti Allaha tərəfdir.
Baxmayaraq ki, təfsirçilərin fikrincə, bu ayə kafirlərlə bağlıdır, lakin “Əsr” surəsində oxuduğumuz kimi bütün insanların zərərə məruz qaldığı açıq-aydın görünür: «إن الإنسان لفی خُسر»
"Şübhəsiz insan zərərdədir".
Zərər çərçivəsindən çıxmağın yolları da bu surədə açıq-aydın bəyan edilmişdir. İman (Allahla əlaqə) bu itkidən qurtulmağın və özünü qazanmağın əsas yoludur; İnsanın sayəsində qüvvət tapdığı iman dünyanı və varlıq aləmini Allahın nişanəsi kimi görməsinə səbəb olar: “O, sənə öyrənə bilmədiyin şeyləri öyrədir” (Bəqərə, 151).
4117641
