"İQNA", İraqdan xəbər verir ki, bu yarışlar İmam Hüseynin (ə) hərəminin Darul-Quranının himayəsi və Kərbəlanın “Varisul-Ənbiya” Universiteti ilə əməkdaşlıq çərçivəsində keçirilib.
İmam Hüseynin (ə) hərəminin Quran Media Mərkəzinin rəhbəri Kərrar Əl-Şəmri deyib: "Sözügedən yarışlar səhər və günorta olmaqla 4 gün ərzində iki növbə ilə keçirilib. Həmçinin İraqın müxtəlif bölgələrindəki 28 universitetdən 80 tələbə bu yarışlarda iştirak edib."
O deyib: "Tələbələrin Quranın əzbərlənməsi, qiraəti və təfsirinin müxtəlif sahələrində güclü rəqabətindən sonra yekunda Kufə Universiteti, Ziqar Universiteti və Bağdad Universitetinin Quran komandaları sıra ilə birinci, ikinci və üçüncü yerləri qazanıblar."
4128614