Livanlı Quran elmləri tədqiqatçısı: “Uğurlu hicablı qadınlar gənc nəsillər üçün nümunə olmalıdır”
"İQNA", xəbər verir ki, Ümumdünya Hicab Günü 1 fevral 2024-cü ildə bütün dünyada müxtəlif proqramlar təşkil edilərək qeyd olundu.
İQNA Ümumdünya Hicab Günü münasibətilə livanlı jurnalist, mədəni fəal, Quran və İslam elmləri üzrə tədqiqatçı İbtisam Məhəmməd Nəcmlə müsahibə aparıb. Müsahibənin mətni belədir:
İQNA - Hicab fobiyası fenomeni ilə mübarizə və hicablı qadınlara qarşı ayrı-seçkiliyin qarşısını almaq üçün hansı tədbirlər görülə bilər?
- Hicab fobiyası ilə mübarizə üçün alına biləcək ən mühüm tədbir hicabın əsl simasını izah etmək və tanıtmaqdır. Bu fobiyadan qurtulmaq üçün əsl azadlıq anlayışı izah edilməlidir.
Cəmiyyətin, xüsusilə də qızların maarifləndirilməsi, hicabın qadınların azadlıq və hüquqlarına zidd olmadığını, onların intellektual, fiziki, bədii və yaradıcılıq imkanlarını məhdudlaşdırmadığını, bunun seçim və hüquq olduğunun, onların cəmiyyətdə mövcudluğuna mane olmadığının bildirilməsi, təsirli və konstruktiv amildir. Hicab qorxusu ilə mübarizə aparmaq üçün Qərbdə formalaşan yanlış təsəvvürləri dəyişməyə, hicabı insanlara izah etməyə, sevgi və hörmətə sövq etməyə çalışmalıyıq. Müsəlman qızlar öz hicab təcrübələrini başqaları ilə bölüşməyə çalışmalı və hicabın mənası düzgün izah edilməlidir.
Bundan əlavə, cəmiyyətlərdə ayrı-seçkiliyə və irqçiliyə məruz qalan hicablı qadınların hicablarını çıxarmağa məcbur edilərək və ya hicablarına görə istehza və alçaldılaraq əsas hüquqlarının necə pozulduğu izah edilməlidir. Bundan əlavə, İslamın qadına necə dəyər verdiyini izah etmək də görülməli ilk işlərdən biridir. İslam qadını bu bataqlıqdan çıxartdı, onlara şərəf verdi, şəxsiyyət verdi.
İQNA - Ümumdünya Hicab Günü ideyası ilə müxtəlif mədəniyyətlər və dinlər arasında tolerantlıq və qarşılıqlı anlaşma necə inkişaf etdirilə bilər?
- Ümumdünya Hicab Günü müxtəlif proqramlar və tədbirlər vasitəsilə müxtəlif mədəniyyətlər və dinlər arasında tolerantlığı və anlaşmanı təşviq edə bilər. Bu fəaliyyətlərə İslam icmalarının hicab haqqında məlumatlılığının artırılması, başqalarının hicab haqqında daha çox məlumatlı olmasını təmin etmək və dini tolerantlığın təbliği daxildir.
Lakin bu, vaxt aparacaq, çünki Qərb mediası hicab və hicabın simasını təhrif etmək üçün çox səy sərf edib və bu, daha əhatəli planlaşdırma tələb edir. Bu yanlış təsəvvürləri aydınlaşdırmaq üçün çoxlu seminarlar və mədəni proqramlar tələb olunur.
İQNA – İslami, hicabın faydaları nədir?
- Hicab ilk növbədə qadınların xeyrinədir və qadınlar öz təbiətlərinə görə hicaba ehtiyac duyurlar. Bu, cəmiyyəti və qadınları bəzi kişilərdən qorumaq üçün lazımdır. Həmçinin qadınların başqalarının əlində obyekt olmasının qarşısını alır. Onların maddi və mənəvi kamilliyini artırır, doğru yoldan azmaqdan çəkindirir, hər cür çətinliklərə tab gətirə bilir, sağlam cəmiyyət qurmaq qabiliyyətini artırır.
İkincisi, hicaba riayət etmək cəmiyyətin iffətini və təhlükəsizliyini təmin edir. İmam Sadiq (ə) buyurur ki, həya və iman dostdur və biri getsə, o biri də ona əməl edər.
Hicab təqvadır. Allah “Əraf” surəsinin 26-cı ayəsində buyurur: “«Ey Adəm övladları, şübhəsiz sizə ayıb yerlərinizi örtəcək və sizin üçün zinət olacaq bir libas (geyim) nazil etdik (onun xammalını torpaqda yaratdıq və sizə onu əldə etmək istedadını verdik). Əlbəttə təqva libası daha yaxşıdır.» Bunlar Allahın (insanlar üçün olan) ayə və nişanələrindəndir, bəlkə öyüd-nəsihət aldılar”.
Hicab təqva və İslamın təzahürü, həya, izzət və hörmət əlaməti, qadın gözəlliyinin ən şərəfli tacı, əxlaq və kamilliyin ən gözəl dəlilidir. Hicabsız qadın divarları olmayan şəhər kimidir.
İQNA – Hicabın əhəmiyyətini və faydalarını gənc nəslə necə izah etmək olar?
-Biz balaca qızlara yaşlarına görə hicabın faydalarını düzgün izah edə bilməliyik. Yaşlarına uyğun olaraq onlara izah etmək üçün asan və uyğun yollar tapmalıyıq. Onlara bu mövzunu hekayələr, qısametrajlı filmlər, rəsmlər, musiqilər və yaşa uyğun olan başqa şeylərlə izah edə bilərik.
Onları Həzrət Zəhra (s) və Həzrət Zeyneb (s) kimi izləyə biləcəkləri nümunələrə yönləndirə bilərik. Ətraf mühit gənclər üçün çox vacibdir. Çünki gənclər ətraf mühitin təsirinə asanlıqla düşürlər. Onlar sağlam və dini mühitin təsirinə düşərək hicaba üz tuta bilərlər.
Biz gənc qızlarımıza Allahın onlara olan sevgisini aşılamalı, Onun hicablı qadınları necə sevdiyini və bunu sevgi və mərhəmətinə görə onlara vacib etdiyini izah etməyə çalışmalıyıq. Hicab fəlsəfəsinin maddi, mənəvi və əxlaqi cəhətlərini dərk etmək də çox vacibdir.
4197608
