Ayətullah Xamenei: "Sionist rejim və Amerikadan qlobal bəraət etmək zəruridir"
İslam İnqilabının Ali Məqamlı Rəhbəri Həzrət Ayətullah Seyid Əli Xamenei builki böyük və möhtəşəm Həcc qurultayı münasibətilə dərc etdiyi müraciətdə "insanların toplaşması" və "İslamın mənəvi amilinin gücləndirilməsi"ni həccin vacibliyinin iki aspekti kimi qiymətləndirib. Həmçinin müasir tarixdə görünməmiş Qəzzə fəlakətinə işarə edərək, sionist rejim və onun himayədarlarının, xüsusən də Amerikadan bəraət edilməsi bu il müsəlman ölkələrində və şəhərlərində, həcc hadisəsi və mövsümündən əlavə, bütün dünyada davam etməli və dünya xalqlarına yayılmalıdır.
İslam İnqilabının Rəhbəri mesajında Həcc ziyarətinin mürəkkəb fəaliyyətinin miqyasına toxunaraq, bunun müsəlmanlara güvən, düşmənlərinə isə qorxu verdiyini bildirib və bəyan edib: Qurani-Kərim həccin mürəkkəb tərkibinin sirlərini açıqladığı halda. Həcc, müsəlmanların mənəvi aramlığı və barışıq simvolu, düşmənlərə qarşı sərt yanaşma və bəraət simvoludur. Zəvvarlar öz düşüncələrini və əməllərini bu nurani təlimlərə yaxınlaşdırıb və ziyarətin qiymətli hədiyyəsi kimi bu ülvi məfhumlarla birləşərək vətənə qayıtmalıdırlar.
İslam İnqilabının Rəhbəri Qəzzada qəddar, lakin süqut etməkdə olan sionist rejimin qətllərinə işarə edərək, deyib: "Bu il bəraət məsələsi keçmişdən daha mühüm və aşkardır. Çünki Qəzzada baş verən fəlakətlər heç bir müsəlman fərd, partiya, qrup, hökumət və ya məzhəb üçün fikir və ya müzakirə etməyə yer qoymur. Həmçinin vurğuladı ki, bu bəraət hökumətlərin və millətlərin danışıq və hərəkətləri əsasında özünü göstərməli, qatillər və onların tərəfdarları üçün meydanı daraltmalıdır".
Həzrət Ayətullah Xamenei habelə Fələstinin və Qəzzanın məzlum və səbirli xalqının polad müqavimətini yüksək qiymətləndirib və bu müqavimətə hərtərəfli dəstək verilməsinin vacibliyini vurğulayıb.
İslam İnqilabının Böyük Rəhbərinin Beytullahul-Həram zəvvarlarına müraciətinin mətni belədir:
Bağışlayan və Mərhəmətli Allahın adı ilə
Və aləmlərin Rəbbi olan Allaha həmd olsun, ağamız Muhəmməd əl-Mustafa və onun pak ailəsinə, xeyirxah səhabələrinə və qiyamətə qədər yaxşılıqla onlara tabe olanlara salavat və salam olsun.
Həcc mövsümündə Allahın əmri ilə bütün insanları Kəbəyə dəvət edən İbrahimin ürəkoxşayan avazı bu il də, dünyanın hər yerindən çoxlu müsəlmanların qəlbini bu tövhid və vəhdət mərkəzinə cəzb etmiş və bu əzəmətli və rəngarəng insan izdihamını ərsəyə gətirmiş, İslamın bəşəri miqyasını və mənəvi amilinin gücünü özünə və yadlara nümayiş etmişdir.
Həccin əzəmətli toplantısı və mürəkkəb ayinləri hər dəfə düşüncə gözü ilə baxıldıqda, müsəlman üçün güc və güvən mənbəyi, düşmən və pis insanlar üçün isə qorxuducu və heybətlidir.
İslam ümmətinin düşmənləri və bədxahlarının həccin bu iki cəhətini məhv etmək və onda şübhə yaratmaq üçün hədəfə alması təəccüblü deyil; istər dini və siyasi fərqləri önə çəkməklə, istərsə də müqəddəs və mənəvi cəhətlərini azaltmaqla.
Quran həcci bəndəlik, zikr və xüşunun təzahürü, insanların bərabər kəramətinin təzahürü, insanın maddi və mənəvi həyatının təşkilinin təzahürü, bərəkət və hidayət təzahürü, qardaşlar arasında mənəvi aramlığın və əməli güzəştin təzahürü, düşmənlərə qarşı ikrah və nüfuzlu cəbhənin təzahürü kimi təqdim edir.
Həcclə bağlı ayələr üzərində düşünmək və bu misilsiz vəzifənin əməlləri və ayinləri üzərində düşünmək Həccin mürəkkəb tərkibində bu və buna bənzər sirləri bizə göstərir.
Siz hacı qardaş və bacılar, indi bu həqiqətləri və maarifi tətbiq etmək halındasınız. Fikrinizi və əməlinizi ona yaxın və daha yaxın edin və bu ülvi anlayışlarla qarışmış və bərpa edilmiş kimliyi evə qaytarın. Bu, Həcc səfərinizin dəyərli və əsl sovqatıdır.
Bu il bəraət məsələsi keçmişlə müqayisədə daha qabarıqdır. Müasir tariximizdə bənzəri olmayan Qəzzada baş verən faciələr, amansız və qəddarlıq və vəhşiliyin təcəssümü olan rejimin hegemonluğu və təbii ki, sionizmin tənəzzülü heç bir müsəlman fərdin, partiyanın, dövlətin və məzhəbinin dözümünə və tolerantlığına yer qoymayıb. Builki bəraət həcc mövsümündən və Miqatdan sonra, dünyanın müsəlman əhalisi olan ölkə və şəhərlərində davam etməli, həcc ziyarətindən başqa yerlərdə olan insanlara da yayılmalıdır.
Sionist rejimdən və onun havadarlarından, xüsusən də ABŞ hakimiyyətindən edilən bu bəraət xalqların və hökumətlərin söz və əməllərində özünü göstərməli və cəlladlar üçün meydanı daraltmalıdır.
Fələstinin polad kimi müqaviməti, səbir və müqavimət əzəməti ilə dünyanı heyran qoyan və hörmətlə qarşılanan dözümlü və məzlum Qəzza xalqı hər formada dəstəklənməlidir.
Allahdan onlara tam və tez qələbə diləyirəm, əziz zəvvarlar, sizə də qəbul olunan Həcc ziyarətini diləyirəm. Həzrət Bəqiyyətullahın (Ona canım fəda olsun) qəbul olunan duası sizə kömək olsun.
Allahın salamı və rəhməti üzərinizə olsun!
Seyid Əli Xamenei
4 Zilhiccə 1445
11 iyun 2024-cü il
4221534
