20 aviaşirkət işğal olunmuş ərazilərə uçuşları dayandırıb
İşğal olunmuş ərazilərdə yayımlanan Kanal 12-nin xəbərində Yaxın Şərqdə artan təhlükəsizlik gərginliyi səbəbiylə İsrailə uçuşları dayandıran xarici hava yolu şirkətlərinin sayının artdığı və daha əvvəl uçuşları dayandıran şirkətlər qərarlarının müddətini uzadıblar.
Xəbərdə İrlandiya mərkəzli hava yolu şirkəti Ryanairin 8 avqusta, İspaniya mərkəzli "Air Europa" və Bolqarıstan mərkəzli "Bulgaria Air"in 9 avqusta, İtaliyanın bayraq daşıyıcısı İTA və Xorvatiyada yerləşən "Croatia Airlines" avqustun 10-dək İsrailə uçuşları dayandırıb.
Bildirilib ki, Latviyada yerləşən AirBaltic, Hindistanda yerləşən AirIndia və İspaniyada yerləşən Iberia Express şirkətləri İsrailə uçuşları avqustun 11-dək, Polşanın milli aviaşirkəti LOT isə avqustun 12-dək İsrailə uçuşları dayandırıb.
Rumıniyada yerləşən Tarom aviaşirkəti, Almaniyanın Lufthansa aviaşirkəti, Swiss International Airlines (İsveçrə), Avstriyanın milli aviaşirkəti Austrian Airlines, Brussels Airlines və Almaniyanın Eurowings aviaşirkətləri də Avqustun 13-dək İsrailə uçuşları dayandırdığı bildirilib.
Yunanıstan mərkəzli Aegean Airlines-ın avqustun 14-dək İsrailə, ABŞ-da yerləşən Delta Airlines-ın 31 avqusta qədər və Britaniyada yerləşən EasyJet şirkətinin 29 mart 2025-ci ilə qədər İsrailə gediş-gəliş reysləri həyata keçirməyəcəyi bildirilib.
ABŞ-da yerləşən United Airlines və İspaniyada yerləşən Vueling Airlines şirkətlərinin də növbəti xəbərdarlığa qədər İsrailə uçuşları dayandırdığı bildirilib.
İyulun 30-da İsrail ordusunun Livana hücumunda Hizbullah Hərəkatının yüksək rütbəli komandirlərindən olan Fuad Şükürün öldürülməsi və iyulun 31-də HƏMAS-ın Siyasi Bürosunun rəhbəri İsmayıl Həniyyənin Tehranda öldürülməsi regionda münaqişənin davam edəcəyi ilə bağlı şərhlərə səbəb olub.
İsrail Haniyənin qətlinə görə məsuliyyəti üzərinə götürməsə də, İran və HƏMAS hücuma görə İsrailin məsuliyyət daşıdığını bildiriblər.
