Mərakeşdə Qəzzaya dəstək nümayişləri keçirilib

İQNA – İsrailin oktyabrın 7-dən Qəzza zolağına davam edən hücumları Mərakeşin bir çox şəhərində etirazlarla qarşılanıb.

Mərakeşdə yüzlərlə insan 7 oktyabr 2023-cü ildən sionist İsrailin hücumlarını davam etdirdiyi Qəzza zolağına dəstək üçün 58 şəhərdə nümayiş keçirib.
Mərakeş Ümmət Problemlərinə Dəstək Komitəsi tərəfindən verilən açıqlamada, Mərakeş xalqının Fələstin xalqına dəstək və İsrailin hücumlarına etiraz olaraq 58 şəhərdə 100 ayrı nümayiş təşkil etdiyi bildirilib.
Nümayişçilər Qəzza zolağında dinc əhaliyə qarşı davam edən qırğınlara son qoyulmasını və İordan çayının qərb sahilində hərbi hücumların dayandırılmasını tələb ediblər.
Mərakeş Qəzzaya dəstək nümayişlərinin və yürüşlərinin ən sıx olduğu İslam ölkələri sırasındadır.