Minnesotadakı amerikalı müsəlmanlar zədələnmiş Quranları təmir etməkdə çətinlik çəkirlər
"Sehan Journal"-ı xəbər verir ki, müqəddəs mətnlərdən istifadə ilə bağlı İslam qanunları dövlətin ətraf mühit qanunları ilə ziddiyyət təşkil edir və müsəlman liderləri həll yolu axtarmağa sövq edir.
Yerli məscidlərdə təmirçi kimi könüllü işləyən üç Somalili kişidən biri olan Muxtar Aysa yerli camaatın artan tələblərini yerinə yetirməkdə çətinlik çəkir.ameri
Minnesota məscid imamları bildirirlər ki, İslam qanunları və köhnəlmiş Quranların utilizasiyası ilə bağlı dövlət ekoloji qaydaları məscidlərdə köhnə və zədələnmiş kitabların toplanıb qalmasına səbəb olub.
Dubay Beynəlxalq Qurani-Kərim Mükafatını qazanan ilk amerikalı Nyu Brightondan Əhməd Burhan Məhəmməd Quranı əzbərləyən tələbələrin sayının artdığını bildirib. O, həmçinin qeyd edib ki, Quran hər bir tələbə üçün fundamental əsər olaraq qalır və ştatın İslam kitab mağazalarında ən çox satılan kitaba çevrilib.
Minneapolisdəki Təvəkkül kitab mağazasının sahibi Hacı Əhməd Məhəmməd Firin deyir ki, ailələr tez-tez köhnəlmiş Quranları hara qoymaq barədə məsləhət istəyirlər. Mən onlara məscidə aparmağı məsləhət görürəm.
Əvvəllər kağız qıtlığından ailələr Qurani-Kərimi ehtiyatla saxlayırdılar. Bu gün Quran dərslərində çap olunmuş Quranların və gənc müsəlmanların çoxluğu köhnəlmiş Quranları atmağı daha da çətinləşdirib.
Bəyan Araşdırma Mərkəzinin qurucusu Muhəmməd Əbdi Şüeyb köhnəlmiş Quran mətnlərinin İslam qanunlarına görə, basdırıla biləcəyini deyib. O, şikayət edib ki, Minnesota ştatında 60-dan çox məscid olsa da, heç kim bu işi öz üzərinə götürməyib.
İmamlar və məscid rəhbərləri Minneapolis Şurasının üzvü Camal Osman ilə görüşüb, köhnəlmiş Quranları necə sıradan çıxartmaq barədə həll yollarını müzakirə ediblər. Gənclərin smartfonlarda Quran proqramlarından istifadə etməsi kimi texnoloji həllər təklif edildi.
4237305
