Məscidül-Əqsa xətibi: Məscidül-Əqsa bütün müsəlmanların mütləq haqqıdır

İQNA – Şeyx İkrimə Səbri sionist rejimin qazıntıları ilə bu məscidin tədricən dağıdılması təhlükəsinə dair xəbərdarlıq edib və qəti şəkildə bildirib ki, Fələstin xalqı heç vaxt öz torpaqlarını tərk etməyəcək və heç vaxt başqa ölkədə məskunlaşmağı qəbul etməyəcək.

"Bab.net" saytının verdiyi məlumata görə, Məscidül-Əqsanın altında sionistlər tərəfindən aparılan qazıntılar səbəbindən təməllərinin zəiflədiyi və ən kiçik bir təkanla onun dağılmasına səbəb olacağı bildirilib.

Bu torpaqların müqəddəsliyini dilə gətirən Səbri, Məscidül-Əqsanı müdafiə etməyən hər kəsin Allah və tarix qarşısında cavab verəcəyini bildirib.

ABŞ prezidenti Trampın fələstinliləri Qəzzadan qovmaq planına gəlincə, Əl-Əqsa məscidi xətibi bildirib ki, Fələstin xalqı öz torpaqlarına bağlıdır və heç bir hökmranlığa imkan verməyəcək, çünki onlar haq sahibidirlər və ölkələri ilə bağlı öz qərarlarını verə bilərlər.

Məscidül-Əqsa xətibi sözlərini belə yekunlaşdırıb: “Fələstin xalqı heç vaxt öz torpaqlarından geri çəkilməyəcək və qanuni hüquqlarının pozulmasına heç vaxt icazə verməyəcək. İşğalçılara müqavimət göstərmək, müqəddəs əşyaları qorumaq milli və dini borcdur” dedi.

4264560