Sionist işğalçılar Nablusda məscidə hücum ediblər
Fələstin informasiya mərkəzinin verdiyi məlumata görə, işğalçı qüvvələr çərşənbə axşamı səhər Əl-Xəlilin cənubundakı əl-Fəvar düşərgəsinə basqın edərək, axtarış və həbs əməliyyatları həyata keçirib.
Yerli mənbələr bildiriblər ki, işğalçı qüvvələr evlərə basqın edərək düşərgəni dağıtdıqdan sonra bir neçə azad edilmiş məhbus da daxil olmaqla 6 nəfəri həbs edib.
Bundan əlavə, Əl-Xəlil əyalətində işğalçıların təyyarələri alçaqdan uçaraq cənub bölgəsinə hücum edib. Əl-Fəvar düşərgəsi əhalini sıxışdırmaq, evlərə basqın etmək, tarlada həbs edib sorğu-sual etmək üçün daim işğalçılar tərəfindən hədəfə alınır.
Sionist rejim çərşənbə axşamı səhər saatlarında Nablus şəhərinə hücum edərək, şəhərin qərb hissəsində yerləşən məscid və qəbiristanlığa hücum edib və dağıdıb.
Bununla bağlı yerli mənbələr işğalçı əsgərlərin İmam Əli (ə) məscidinə hücum etdiyini, məscidin əşyalarını zədələdiyini, səsgücləndiriciləri sındırdığını bildirib. Bu vəhşi hücumlarla eyni vaxtda Nablusdakı qərb qəbiristanlığına basqın etdilər, ətrafdakı evləri və dükanları axtardılar.
Şahidlərin bildirdiyinə görə, işğalçı qüvvələr Nablus şəhərinin qərb qəbiristanlığı ətrafında bir çox ticarət dükanlarının avadanlıqlarına ziyan vurub, onların kameralarını müsadirə ediblər və havanın soyuq olmasına baxmayaraq, Məmun küçəsində bir gənci həbs ediblər.
4268277
