Əl-Əzhər humanitar yardımın Qəzzaya daxil olmasına mane olmağı pisləyir
"İQNA"-nın "Əl-Məsri Əl-Yəvm"-a istinadən verdiyi məlumata görə, Misirin Əl-Əzhər İnstitutu sionist rejimin humanitar və yardım karvanlarının Qəzza zolağına daxil olmasının qarşısını almaq üçün hərəkətini kəskin şəkildə pisləyib və bunu mübarək Ramazan ayında bölgənin müdafiəsiz xalqına qarşı cinayət adlandırıb.
“Əl-Əzhər”in bu münasibətlə yaydığı bəyanatda bildirilib ki, sionist rejim günahsız uşaqlar, qadınlar və kişilər arasında qıtlıq salmaqla mübarək Ramazan ayının müqəddəsliyinə hörmət etmir.
Əl-Əzhər həmçinin islam ölkələrini bu müqəddəs ayda Qəzzə zolağının mühasirəsinə son qoymağa çağırıb, çünki işğalçı rejim fələstinliləri aclıq və ya məcburi köç yolu ilə ölüm arasında seçim etməyə məcbur etməyə çalışır.
Təşkilat həmçinin İslam ölkələri və beynəlxalq ictimaiyyəti Qəzzə xalqı qarşısında tarixi və humanitar öhdəliklərini yerinə yetirməyə, bölgənin mühasirəsinə son qoymaq üçün hərəkətə keçməyə və sionist rejimi cinayətlərinə görə mühakimə etməyə çağırıb.
“Əl-Əzhər” bəyanatının başqa bir hissəsində yeməyin oruc tutanlara çatmasının qarşısının alınmasının bütün Allaha və ədalətə iman gətirənlərin pislədiyi bir əməl olduğunu və belə bir cinayətin dünya və axirətdə şiddətli cəza ilə üzləşəcəyini vurğulayıb.
Bazar günü İsrailin baş naziri Benyamin Netanyahunun ofisi bu səhərdən etibarən Qəzza zolağına bütün mal və yardım vasitələrinin girişinin qadağan ediləcəyini elan etdikdən sonra bəyanat verib.
Netanyahunun ofisindən verilən açıqlamada deyilir: “Bu qərar razılaşmanın birinci mərhələsinin sona çatması və HƏMAS hərəkatının ABŞ-ın Yaxın Şərq üzrə nümayəndəsi Steve Whittakerin danışıqları davam etdirmək planına qarşı çıxmasından sonra qəbul edilib”.
İsrailin baş nazirinin dəftərxanası əlavə edib ki, rejim israilli məhbusları azad etmədən atəşkəsə icazə verməyəcək və HƏMAS hərəkatı müxalifətini davam etdirsə, başqa nəticələr də olacaq.
Bundan əvvəl Həmas və digər Fələstin müqavimət qrupları, həmçinin ərəb və islam ölkələri və beynəlxalq təşkilatlar yardımın Qəzza zolağına daxil olmasının qarşısının alınmasını pisləmişdilər.
4269546
