Ərəb Liqası sionist rejimin İrana hücumunu pisləyib
“Əl Aləm” saytının məlumatına görə, Ərəb Liqasına üzv ölkələrin xarici işlər nazirləri İstanbulda verdiyi bəyanatda İsrail rejiminin İran İslam Respublikasına hərbi hücumunu pisləyiblər.
Bəyanatda İrana qarşı hücumların “Birləşmiş Millətlər Təşkilatına (BMT) üzv olan dövlətin suverenliyinin açıq şəkildə pozulması və regional sülh və təhlükəsizliyi təhdid etdiyi” vurğulanıb və “təcavüz dayandırılmalı, İranın nüvə proqramı ilə bağlı razılığa gəlmək üçün danışıqlar bərpa edilməli və atəşkəs səyləri dəstəklənməlidir”.
Ərəb xarici işlər nazirləri də xəbərdarlıq ediblər ki, “İsrail regionu daha çox münaqişə və gərginliyə doğru sövq edir”.
Bundan əlavə, nüvə obyektlərinin Beynəlxalq Atom Enerjisi Agentliyinin zəmanətləri çərçivəsində hədəfə alınmaması lazım olduğu vurğulanıb.
Bəyannamədə BMT və Ərəb Liqasının əvvəlki sammitlərində qəbul edilmiş qərarlar əsasında Yaxın Şərqin nüvə silahı və kütləvi qırğın silahlarından azad edilməsi çağırışı edilib və regionun bütün ölkələrinin Nüvə Silahlarının Yayılmaması Müqaviləsinə qoşulmasının vacibliyi vurğulanıb.
Həmçinin qeyd olunub ki, “diplomatiya və dialoq” BMT Nizamnaməsinə və beynəlxalq hüquqa uyğun olaraq böhranların həllinin yeganə yoludur.
4289793
