İmam Xameneiyə hücum bütün ümmətə təhqirdir
“İQNA”-nın “Əl-Əhd” saytına istinadən verdiyi xəbərə görə, Ayətullah Şeyx İsa Qasım öz bəyanatında ABŞ-ın sabiq prezidenti Donald Trampın İranın İslam İnqilabı Rəhbəri Ayətullah Xameneiyə qarşı təhdidlərini sərt şəkildə qınayıb və bu möhtərəm şəxsiyyətə qarşı hər cür hücumu İslam ümmətinə və onun müqəddəslərinə qarşı hörmətsizlik adlandırıb.
Ayətullah Qasım bəyanatda İmam Xameneini “Qurani-kərimdən qaynaqlanan böyük bir simvol və bu dövrün nadir rəhbəri” kimi xarakterizə edərək bildirib ki, onun ümmət üzərindəki nüfuzu və böyük təbliğat mövqeyi onun Qurana olan ixlaslı bağlılığından və İslamın ona bəxş etdiyi yüksək məqamdan irəli gəlir.
Bəyanatda deyilir: “Ona qarşı hər bir söz və ya təhdid hücum və təhqirdir. Bu, yalnız bir şəxsə qarşı deyil, bütün ümmətə, onun müqəddəslərinə, təqvalı, müdrik, ixlaslı və müqəddəs fiqh mövqeyinə qarşı təhqirdir.”
O əlavə edib: “Trampın bu yüksək məqama qarşı təhqir və təhdidi cahillik, axmaqlıq və məsələləri və nəticələri düzgün qiymətləndirə bilməməkdir. Bu təhqir və təhdid bizim millətimizə və müqəddəslərimizə qarşı yönəlmişdir və bu, böyük və şərafətli millətimizin üzərinə ağır bir məsuliyyət qoyur.”
4292304
