Müqavimət İsraillə münasibətlərin normallaşdırılması zillətini qəbul etməyəcək
“İQNA”-nın “əl-Mənar” xəbər saytına istinadən verdiyi məlumata görə, Şeyx Nəim Qasim Aşura gününün yaxınlaşması münasibətilə etdiyi çıxışda bildirib:
“Bu il İmam Hüseynin (ə) əzadarlıq məclislərində xalqın geniş iştirakı çox təsirli və diqqətəlayiq idi. Biz İmam Hüseynə (ə) onun yoldaşlarının batil qarşısında dediyini deyirik: “Səni tərk etmərik! Biz bu Aşura mərasimlərində iştirak etdik və bir daha söz verdik ki, bu yolu davam etdirəcəyik.”
O əlavə edib:
“Biz Livanda ölkəmizi müdafiə etmək üçün İsrail düşməni ilə qarşı-qarşıyayıq və bu müdafiə davam edəcək. Qoy bütün dünya bizi bu yoldan döndərmək üçün birləşsin – biz bu işin azadlıq borcu olduğuna inanırıq.”
Livan Hizbullahının baş katibi daha sonra deyib:
“Bu müqavimət İmam Musa Sadrın və ümmətin şəhidlərinin ağası Seyyid Həsən Nəsrullahın müqavimətidir. Şərait nə qədər çətin olsa da, müqavimətin kökləri alovlu və işıqlı qalacaq. Bu müqaviməti qoruyacağıq, çünki bu bir əmanətdir və biz bölgədə işğala qanuni don geyindirmək prosesinin bir hissəsi olmayacağıq. Normallaşmanı – ki, bu bir zillətdir – qəbul etməyəcəyik. Düşmən hələ də təcavüzlərini davam etdirərkən biz necə müqavimətdən əl çəkə bilərik? Biz bu qarşısında sükut edə bilmərik, çünki şəhidlərin qanı boynumuzda olan bir əmanətdir”.
4292832
