İmam Hüseyn (ə) Hərəminin Qurani-Kərim Dünya Günü kampaniyasına hazırlığı
“İQNA”-nın verdiyi xəbərə görə, Müqəddəs İmam Hüseyn (ə) Hərəmi 27 Rəcəb – Məbəs günü ilə eyni vaxtda keçiriləcək Qurani-Kərim Dünya Günü münasibətilə Qum alimləri ilə bir sıra görüş və iclaslar təşkil edib.
Bu görüşlər İmam Hüseyn (ə) Hərəminin baş katibinin Qurani-Kərim işləri üzrə müşaviri Şeyx Həsən əl-Mənsuri ilə birlikdə keçirilib və orada Qurani-Kərim Dünya Günü toplantısının mövzuları, kampaniyanın proqramları və İmam Hüseyn (ə) Hərəminin beynəlxalq sahədəki Qurani-Kərim fəaliyyətləri izah olunub.
Elmi əməkdaşlıqları gücləndirmək məqsədilə Müqəddəs İmam Hüseyn (ə) Hərəminin heyəti Qumda Ayətullahul-uzma Seyid Sistaninin tam səlahiyyətli nümayəndəsi Höccətülislam Seyid Cavad Şəhristani ilə görüşərək onu Qurani-Kərim Dünya Günü kampaniyasının hazırlıqları və bu mərkəzin ən mühüm Qurani-Kərim layihələri barədə məlumatlandırıb.
Digər tərəfdən, İmam Hüseyn (ə) Hərəminin Beynəlxalq Qurani-Kərim Təbliğ Mərkəzinin müdiri Müntəzər əl-Mənsuri, “Dəlil” Araşdırma və Təhsil Mərkəzinin rəhbəri Şeyx Salih əl-Vaili ilə birlikdə Ayətullah Seyid Riyaz əl-Həkimlə görüşərək, bu mərkəzin Qurani-Kərim fəaliyyətlərini, xüsusilə QR texnologiyası ilə hazırlanmış İmam Hüseyn (ə) Hərəmi Müshəfi layihəsini və Qurani-Kərim Dünya Günü kampaniyasını ona təqdim edib.
Əl-Mənsuri Ayətullah Seyid Riyaz əl-Həkimi rəsmi şəkildə dəvət edib ki, Beynəlxalq Təbliğ Mərkəzi ilə Qum “Dəlil” Mərkəzinin birgə təşkil etdiyi ikinci Qurani-Kərim Dünya Günü toplantısında iştirak etsin və çıxış etsin.
Bu çərçivədə, Beynəlxalq Təbliğ Mərkəzinin Qum şöbəsi də Alim Seyid Məhəmməd Sadiq əl-Xorsani ilə görüşərək onu mərkəzin beynəlxalq Qurani-Kərim layihələri barədə məlumatlandırıb.
Bu görüşdə Alim əl-Xorsani Qurani-Kərim Dünya Gününün təsis olunması üçün görülən səyləri yüksək qiymətləndirib və təşkilatçılara uğurlar arzulayıb.
4325487
