İraqdakı İslam Müqavimətinin əməliyyatları qanuni haqq və milli məsuliyyətdir
“İQNA”, xəbər verir ki, Əl‑Kəbi mesajında deyib: “İraqda İslam Müqavimətinin mövcudluğu, onun silahı və əməliyyatları tamamilə qanuni haqq olmaqla yanaşı, həm də şəri, əxlaqi və milli bir vəzifədir. Çünki bu ölkənin suverenliyi işğalçılar tərəfindən tapdanıb; onların döyüş təyyarələri və casus dronları İraq səmasını nəzarətdə saxlayır, hərbi bazaları isə ölkənin torpaqlarını işğal edib. Bu işğalçılar Mossadın gizli qruplarını yerləşdirib, İraqın iqtisadi və neft mənbələrinə hakim olublar. Hətta elə bir həddə çatıb ki, Tramp kimi məsuliyyətsiz bir şəxs ölkənin üç yüksək dövlət postunun seçilməsinə müdaxilə edir.”
Nücəba Hərəkatının baş katibi əlavə edib: “Xəbərdarlığımız, müqavimət döyüşçüləri barədə məlumatları Kipr və İordaniya kəşfiyyatına ötürən casuslara yönəlib. Bizim nəsihətimiz budur ki, Amerikanın xoşuna gəlmək üçün ‘Müaviyənin yağlı süfrəsinə’ aldanmayın. Çünki ABŞ sizi yalnız öz məqsədlərinə çatmaq üçün alət kimi istifadə edəcək və sonra da Suriyadakı kürdlərə, İrana və Türkiyəyə etdiyi kimi sizi də tərk edəcək.”
İraq İslam Müqaviməti bundan əvvəl bildirmişdi ki, İran İslam İnqilabının liderinin ABŞ və İsrail tərəfindən öldürülməsinə cavab olaraq, ABŞ‑ın İraqdakı və bəzi qonşu ölkələrdəki hərbi bazalarına raket və dron hücumları həyata keçirib.
Buna cavab olaraq ABŞ və İsrail rejimi də İraqın müxtəlif vilayətlərində, xüsusilə Cərf ən‑Nəsr və əl‑Qaim bölgələrində müqavimət qruplarının qərargahlarını və bəzi komandirlərini hava hücumları ilə hədəf alıblar.
4338845
