İrana Dəstək Vermək Şəriət Baxımından Vacibdir
“İQNA”, “Ava” xəbər agentliyinə istinadən xəbər verir ki, Əfqanıstanın tanınmış Şiə fəqihi Ayətullah Məhəmmədbaqir Fazili Behsudi Quran ayələrinə əsaslanaraq, ABŞ və sionist rejimi ilə müharibədə İran İslam Respublikasını müdafiə etməyin müsəlmanlara “vacib” olduğunu açıqlayıb.
O, Misirin Əl-Əzher alimlər şurasının son bəyanatını tənqid edərək, bildirdi ki, ABŞ və sionist rejimi uzun illər ərzində İslam torpaqlarında, xüsusilə Fələstində qətliam və cinayət törədib, buna baxmayaraq, bütün İslam dünyasındakı dini qurumların bu təcavüzlərə qarşı mübarizə aparan ölkələri dəstəkləmələri gözlənilirdi, nəinki onların müdafiəsini qınamaları.
Bu fəqih, Quranın Həcc surəsinin 39-cu ayəsinə istinad edərək, Allahın, zülmə uğramış insanları müdafiə etmək hüququ verdiyini və onlara yardım edəcəyinə söz verdiyini vurğuladı.
Ayətullah Fazili Behsudi, bu vəziyyətdə İran İslam Respublikasına dəstək verməyin, yalnız alimlərin fərdi fikirlərinə əsaslanan bir məsələ olmadığını, əksinə, Quranda açıq şəkildə bəyan olunduğunu və hər bir müsəlmanın bu müdafiəyə qatılmaq üçün öz imkanı ölçüsündə məsuliyyət daşıdığını qeyd etdi.
O, həmçinin İranın hərbi və elmi rəhbərlərinin şəhid edilməsini İslam düşmənlərinin açıq təcavüzü kimi qiymətləndirərək, belə hərəkətlərə qarşı müdafiə və müqavimətin təbii və qanuni olduğunu bildirdi.
Ayətullah Fazili Behsudi, digər tərəfdən, bəzi sünni dini qurumlarının İsrail və ABŞ-ın əməllərinə qarşı susmalarını tənqid edərək, bu cür əməlləri qınamamaq və bir müsəlman ölkəsinin müdafiəsini tənqid etməyin, müsəlmanlar arasında narahatlıq və təəssüf doğurduğunu ifadə etdi.
Qeyd edək ki, ABŞ və Sionist rejiminin İslam Respublikası İrana qarşı birgə hərbi təcavüzü 1404-cü ilin 9 isfənd tarixində başlayıb və bu hadisə nəticəsində İslam İnqilabının Böyük Rəhbəri Ayətullah Seyid Əli Xamenei şəhid olub.
İran İslam Respublikası, Birləşmiş Millətlər Təşkilatının 51-ci maddəsi çərçivəsində, hədəf alınan hərbi mövqelərə qarşı sarsıdıcı və məqsədli cavab verərək, təcavüzün davam etməsi halında daha sərt reaksiyalar verəcəyini bildirmişdir.
4342514
