Malayziyanın baş naziri: “Müsəlmanlar süni intellekt dövründə Quran dəyərlərini qorumalıdır”
“İQNA”, “Bernama agentliyinə istinadən xəbər verir ki, Malayziyanın baş naziri Ənvər İbrahim Kuala Nerusu şəhərində keçirilən 1447‑ci hicri ili / 2026‑cı il Milli Quran Qiraəti və Hifzi müsabiqəsinin açılış mərasimində süni intellekt dövründə Quran və İslam dəyərlərinə bağlılığın vacibliyini vurğulayıb.
Ənvər İbrahim ölkənin müsəlmanlarını süni intellekt də daxil olmaqla yeni texnologiyalar sahəsində bacarıqlarını artırmağa çağırıb, lakin ənənəvi dəyərlərin və Quran təlimlərinin unudulmamasını tövsiyə edib.
Baş nazir qeyd edib ki, yeni biliklərin əldə edilməsi qlobal çağırışlarla üzləşmək üçün zəruridir, lakin müsəlmanlar dini prinsiplərinə sadiq qalmalıdırlar.
O, Qəzzada, Cənubi Livanda və İrana qarşı hücumlarda baş verənləri bilik və texnologiya sahəsində hazırlığın vacibliyinə dair mühüm dərslər adlandırıb.
Əlavə edib: “İsrail rejiminin onilliklərdir davam edən zorakılığı göstərir ki, güclü iman, şəxsiyyət və texnoloji qabiliyyət olmadan müsəlmanlar geridə qalmağa davam edəcəklər. Keçmişdə İsrail və onun müttəfiqi ABŞ‑ın hücumlarına qarşı durmaq demək olar ki, mümkün deyildi. İndi isə iradə və texnoloji inkişaflarla yeni bir gücün ortaya çıxdığını görürük”.
2026 MTHQK Malayziya Milli Quran Müsabiqəsi bu gün başlayıb və 18 aprelə qədər davam edəcək. Yarışda 108 iştirakçı — 14 kişi qari, 14 qadın qari və 80 nəfər hafiz iştirak edir.
4346369
