“Şəhid Liderin Gələcəyə Baxışı” kitabı Malayziyada təqdim olundu
“İQNA”-nın İranın Malayziyadakı Mədəniyyət Nümayəndəliyinin ictimaiyyətlə əlaqələr şöbəsinə istinadən verdiyi məlumata görə, İran İslam Respublikasının Mədəniyyət Nümayəndəliyi və Malayziya İslam Təşkilatları Məsləhət Şurasının (MAPIM) birgə əməkdaşlığı ilə təşkil olunan bu mühüm diplomatik və mədəni tədbir İslam üzrə Beynəlxalq Qabaqcıl Tədqiqatlar İnstitutunun (IAIS) iclas salonunda baş tutub.
Tədbirdə İranın Malayziyadakı səfiri Vəliullah Məhəmmədi, MAPIM-in rəhbəri Məhəmməd Əzmi Əbdülhəmid, İranın mədəniyyət müşaviri Həbib Rza Ərzani, eləcə də xarici ölkələrin bir sıra səfirləri (o cümlədən Rusiya və Venesuela səfirləri), diplomatlar, akademiklər və müsəlman strateji mütəxəssislər iştirak ediblər.
Bu iclasın əsas mövzusu İslam dünyası üçün “İslam İnqilabının İkinci Mərhələsi Bəyanatı”nı izah edən kitabın strateji yönlərinin müzakirəsi olub.
Həbib Rza Ərzani çıxışında bu əsəri İslam ümməti üçün 40 illik bir paradiqma adlandırıb və şəhid liderin yeni İslam sivilizasiyasına çatmaq üçün müəyyən etdiyi yeddi əsas sütunu belə sadalayıb: “Elm və tədqiqat”, “Mənəviyyat və əxlaq”, “İqtisadiyyat”, “Ədalət və korrupsiya ilə mübarizə”, “Müstəqillik və azadlıq”, “Beynəlxalq münasibətlərdə milli izzət” və “İslam həyat tərzi”.
Malayziyalı natiqlər — o cümlədən Əzmi Əbdülhəmid və IAIS-in sədr müavini Bədri Abdullah — şəhid liderin uca məqamını yad edərək bildiriblər ki, bu kitab sadəcə bir xatirə deyil, həm də əməli fəaliyyətə çağırışdır.
Kitab Əl-Hüda nəşriyyatı tərəfindən ingilis dilinə tərcümə edildikdən sonra İranın Malayziyadakı Mədəniyyət Nümayəndəliyi və MAPIM təşkilatının birgə əməkdaşlığı ilə Malayziyada 422 səhifəlik nəşr kimi çap olunub.
4346584
