Həcc ibadətini yerinə yetirmək üçün zəvvarların Səudiyyə Ərəbistanına girişi başladı
“İQNA”-nın “Əxbar 24” saytına istinadən verdiyi məlumata görə, bu proses Səudiyyə rəhbərliyinin göstərişi ilə, daxili işlər naziri və Ali Həcc Komitəsinin rəhbəri Əmir Əbdüləziz bin Səudun nəzarəti altında və əlaqədar qurumların əməkdaşlığı ilə həyata keçirilən vahid və inteqrasiya olunmuş xidmət sistemi çərçivəsində baş tutur.
Nazirliyin açıqlamasında deyilir:
- Bu gün hava limanları Pakistan, Türkiyə, Əfqanıstan, Malayziya, Hindistan, Banqladeş və Tailand da daxil olmaqla müxtəlif ölkələrdən gələn təxminən 30 təyyarəni qəbul edib.
- Bütün uçuşlar təşkilatlanmış prosedurlar əsasında sürətlə qəbul edilib və zəvvarlar rahat şəkildə öz istiqamətlərinə yönləndirilib.
Nazirlik əlavə edib ki:
- Keçid məntəqələrinin əməliyyat hazırlığı işçi qüvvəsinin artırılması, zəvvarlar üçün xüsusi zolaqların aktivləşdirilməsi və qəbul imkanlarının optimallaşdırılması ilə gücləndirilib.
- Zəvvarların giriş anından etibarən hərəkətin səlisliyini təmin etmək üçün əlaqədar qurumlar arasında yerli koordinasiya artırılıb.
Həcc və Ümrə Nazirliyi həmçinin vurğulayıb ki:
- Keçid məntəqələrində fəaliyyət göstərən qurumlar arasında birgə səylər təkmilləşdirilib.
- Məqsəd zəvvarların giriş prosesini asanlaşdırmaq, qəbul mərhələlərini sürətləndirmək və müxtəlif dillərdə bələdçilik xidmətləri təqdim etməkdir.
- Bu tədbirlər zəvvarların təcrübəsini yaxşılaşdırır və onların Məkkə və Mədinədəki yaşayış yerlərinə rahat şəkildə çatmasını təmin edir.
Nazirlik bildirib ki, bu fəaliyyətlər:
- 12 Zilhiccə 1446-cı ildən başlayan ilkin hazırlıqların və inteqrasiya olunmuş əməliyyat planlarının bir hissəsidir.
- Məqsəd zəvvarların ölkəyə daxil olduqları andan çıxışlarına qədər ibadətlərini təhlükəsiz, nizamlı və ideal şəraitdə yerinə yetirmələrini təmin etməkdir.
4347288
