İraqda Quran Elitaları Müsabiqəsinin ilkin seçim mərhələsi keçirilir
“İQNA”-nın İraq bürosunun məlumatına görə, Şiə Vəqfləri İdarəsinə bağlı Milli Quran Elmləri Mərkəzi dünən, bazar ertəsi, 20 iyul tarixində mərkəzin Səqəleyn zalında İraqın bütün vilayətlərindən qiraətçilər tərəfindən göndərilmiş səs yazılarının dinlənilməsinə başlayıb. Məqsəd bu qiraətləri qiymətləndirmək və ən yaxşı iştirakçıları 16-cı Ümumrespublika Quran Elitaları Müsabiqəsində iştirak üçün seçməkdir.
Mərkəzin mətbuat xidməti bildirib ki, qiraətlər mərkəzin direktoru, qari Rafi əl-Amirinin nəzarəti altında dinlənilib və Şeyx İyad əl-Kəəbinin sədrliyi ilə fəaliyyət göstərən ixtisaslaşmış münsiflər heyəti tərəfindən qiymətləndirilib.
Münsiflər heyətinə həmçinin aşağıdakı şəxslər daxildir:
Sami əl-Ğərəvi – təcvid qaydaları üzrə hakim;
Sabah əs-Sərayi – ləhn (melodik oxunuş) üzrə hakim;
Əli Əbdülsəttar əl-Xəffaci və Fərhan əl-Ərkuvazi – vəqf və ibtida (dayanma və başlama qaydaları) üzrə hakimlər;
Əli Həsən – səs üzrə hakim.
İlkin seçim mərhələsində hər vilayətdən ən yüksək nəticə göstərən iştirakçılar gələcəkdə Milli Quran Elmləri Mərkəzi tərəfindən keçiriləcək 16-cı Ümumrespublika Hafizlik və Quran Qiraəti üzrə Elitalar Müsabiqəsində öz vilayətlərini təmsil edəcəklər.
Bu müsabiqə İraqın ən yaxşı qari və hafizlərini seçərək onları beynəlxalq Quran müsabiqələrinə göndərmək məqsədi daşıyır. Ötən il müsabiqənin 15-ci buraxılışı "İraqı təmsil etmək – hər kəs üçün bir qürurdur" şüarı ilə keçirilmişdi.
4365254
