Fewjude feŋngude jaayle lisilaamiyaŋkooje tawa ko e ɗemngal Faraysi e nder mooɓoondiral Dakaar
tawtoranooɓe e mooɓoondiral sappo e jeeɗiɗiwal juulɓe haalooɓe ɗemngal Faraysi e nder Dakaar wuro laamorgo leydi senegaal ɓee pewjii udditde jaayle lisilaamiyaŋkooje.
Cimtol jaaynde qur’aaniyaŋkoore international (iqna) egginiɗum ko e aayaawo habrirde (APS), tawtoranooɓe e mooɓoondiral juulɓe haalooɓe ɗemngal Faraysi ɓee e dow jaŋtaade ɓe wonde jaayle certuɗe ɗe ngannduɗaa ina caakta porogaraamji e ɗemngal faraysi, ngonaani e laawol gootol , ɓe njiɗii udiitde jaayle tawa ko ndenduɗe e dow ko faati e lisilaam.
Wonnooɓe e ngal ɗoon mooɓoondiral ɓee ngal ngannduɗaa ko gila e aljuma fuɗɗinoo, ko jaŋngo 26 /08/2013 gasoyta ɓe titiima heen: e dow keewal jaayle jamaanu gonaaɗo, juulɓe leyɗe kaalooje ɗemngal Faraysi ɗee ina cokli jaayle tawa ko ndendaaɗe, haa yimɓe mbaawa heɗde e ngol ɗoon laawol kabaaruji tawa ko koolniiɗi gooŋɗuɗi.
Abdulaye sarr lomto leydi Muritani e dow joofaade mbo e ngal ɗoon mooɓoondiral wonde juulɓe kaalooɓe ɗemngal Faraysi ɓee ina mbaasi jaayle dendaaɗe tawa ko e ɗemngal Faraysi,o teeŋtinii wonde: ko ɓuri heewde e jaayla kabaaruuji ɗe juulɓe ɓee kettotoo ko e ɗemngal engeleere ko ɗuum waɗi juulɓe wonɓe e leyɗe kaalooje Faraysi ɓee e nder Afrik wonaa ina keɓa kabaaruuji ko yaawi. Ko ɗuum taki ko maa miijoɗen ko faati e udditde jaayle ɗe ngannduɗaa ina kuufoo nguurdam ɗee ɗoon pelle.
E dow jokkude yeewtere makko, udditde ɗee ɗoon jaayle dendaaɗe wano radio, telewision, ina naamndii weccoondirde miijooji e nder ngal ɗoo mooɓoondiral, sabu dendaangal tawtoraaɓe e ngal ɗoo moɓoondiral ɓee ko lomtooɓe leyɗe ceertuɗe e ɓe mbaawi fellitde ko faati e heen.
Mooɓoondiral international leyɗe kaalooje ɗemngal Faraysi ine e waɗde ɗoo ɗo wonaa ɗoo e nder Dakaar e dow titoore (ŋeñɗi miijo lisilaamiyaŋkewo e nder needi, laamu e suluhu) e dow taweede heen ko ɓuri leyɗe 150 ummoraade e leyɗe Afrik, Europe e Amirik.
Fedde juulɓe kaalooɓe ɗemngal Faraysi nde ngannduɗaa ko kañum woni ko yuɓɓi nguu ɗoon batu lisilaamiyaŋkewu teeŋtinii wonde: woni faandaare ngal ɗoo mooɓoondiral, ko ƴeewtude jaabuye ko faati e naamndal ngal ngannduɗaa aduna fof ina naamndoo ngal hande, wonde lisilaam e innde diine, waawata jogoraade ŋeñɗi e dow laamu e suluhu e hakunde yimɓe aduna.
Lofuuji ɓennuɗi mooɓoondiral ngal waɗiino e leyɗe Koduwaar, bene, Niger, Burkina fasoo, Togo e Mali.1277695
