Yuurnitagol ko faati e Syria e nder jiidigal Burujerdii e seyid Hassane Nasrallaah
hooreejo komision hoolayru ngendi e politik caggal leydi assamble national lisilaamiyaŋke leydi meeɗen oo yiidii e sekereter general Hezbollaah Liban oo ɓe njeewti e ngal jiidigal ko faati e leluye teeŋtunge Syria e Liban.
Cimtol jaaynde qur’aaniyaŋkoore international (iqna) egginiɗum ko e aayaawo habrirde chaine satellite Al manaar, seyid Hassane Nasrallaah, sekereteer general fedde Hezbollaah Liban oo yiidii hande 03/09/2013 e Alaa’u diin Burjerdii, hooreejo komision hoolayru ngendi e politik caggal leydi assamble national leydi meeɗen e lappol o yaadunoo.
Ghadanfar kun Abaadii, ambassadeur leydi meeɗen e nder Liban kadi tawtoranooma e ngaal ɗoon jiidigal Hassan nasrallaah e Burjerdii.
Lappol parlement leydi meeɗen pokkitiino faade Syria e dow ardaade ɓe Alaa’u diin Burjerdii ñande 30/08/2013 fii yidde yaade koyngal jam e dow ko faati e gondaaɗi to Syria.
Caggal nde kanko Burjerdii yaanoo to Syria o yiidii e haliifaaɓe leydi ndii haa teeŋti e laamɗo leydi Syria oo, ko ndeen o ɓenni faade Liban haa o yiida e Hassan Nasrallaah ɓe njeewtida ko faati e kabaaruuji gonde haa ɓe mbeccoondira heen jiiɗe e dow geɗe ɓurɗe wadde faayda e tundu hee haa teeŋti e baɓaali Amerik cakkitiiɗi e yidde ɓe yande e Syria.1282219
