Danger gonɗo e ɓulno heeforɗininde yuurnitaama to karbalaa wonande musidal juulɓe
mooɓoondiral international (ɓulnu heeforɗininde e boneeji muuɗum wonande musidal juulɓe) yuɓɓaama hanki 14/09/2013 e himme kanton ceniiɗo husseyniyaŋke to karbalaa.
Cimtol jaaynde qur’aaniyaŋkoore international (iqna) egginiɗum ko e aayaawo habrirde chaine sateliter Al manar, ngal ɗoon mooɓoondiral ko e yeeso lappol ummoraade e annduɓe juulɓe ummoraade e pelle e leyɗe ceertuɗe yuɓɓaa, tawtoranooɓe heen ɓee teeŋtinii e ko faati e lore ɗoofde ɗaɗol fitinaaji e nder jeewte diineyaŋkooje.
Annduɓe tawtoranooɓe ɓee ko hono noon kadi ɓe mbaginiima ko faati e ɓeydude yajinde heeforɗininde e boneeji gonɗi heen ɗii wonande leyɗe ɗee e renndo lisilaamiyaŋkewo.
Ko teŋtinaa e ngal ɗoon mooɓoondira, ko saaktude khutbaaji tawa ko kakiniiɗi, tinnaare annduɓe fii gollude responsabilité ji maɓɓe e dow ko faati khutbaaji diineyaŋkooji e humnude kala ko nandi e ɓurtingol e dow lisilaam, ina jeyaa e titooje goɗɗe ɗe ngannduɗaa ina teeŋtinaa e ngal ɗoon mooɓoondiral.
Yeewtatnooɓe e ngal mooɓoondiral ɓee kadi naamndiima ko faati e haɓaade ɓulno heeforɗininde, ɓe mbagginiima ko faati e ɓurtingol ɗeen pelle heeforɗinooje to Syria e dow ɓeen ɓe keewaani e leydi hee, (minorité) ɗe nganduɗaa ko kañum woni sabaabu dillinde yimɓe ɓee e nder tunndu hee e dow faandaare saaktude boneeji e seerdude yimɓe tunndu. 1287977
