د ايران د قرانی خبری اژانس (ايكنا) د يو راپور پر اساس، د ايران د اسلامی جمهوريت د بهرنيو چارو د وزارت ويندويی رامين مهمان پرست نن له كورنيو او بهرنيو خبريالانو سره په ګډ خبری كنفرانس كښې وويل امريكايی چارواكې د ايران له سوله ايزو اتومی فعاليتونو غلط اټكل لری او د تهران له بيانیې سره د ناڅاپی مخامخيدو له كبله په ايران د بنديزونو موضوع په بی منطقی ټينګارونو سره تعقيبوی .
د ايران د خارجه وزارت ويندويی زياته كړه د افغانستان ستونزې له پوځی لاری نه آواریږی .
هغه وويل كه په افغانستان كښې د ناټو د پوځی شتون مخينې ته وكتل شی نو وبه ليدل شی چی د دوئ شتون نه يوازې د ترهه ګرۍ موضوع نه ده آواره كړی بلكه دغه ښكارنده یې په سيمه كښې لا پراخه كړی ده ، زيات شمير افغانان وژل شوی او د نشه ايزو توكو كر هم زيات شوی دی .
ښاغلی مهمان پرست وويل اسلامی ايران د افغانستان د ستونزو د حل لپاره له سيمه ايزو ظرفيتونو په استفادی ټينګار كوی .
هغه وويل د ايراان اسلامی جمهوريت به د اتومی انرژۍ له نړيوال اژانس سره خپلوملګرتياوو او درستو هيوادونو سره مرستې ته دوام وركړی او هڅه به وكړی ان پی ټی تړون خپل سم حالت ته ستون شی .
د ايران دخارجه وزارت ويندويی وويل د اتومی وسلو درلودونكی بايد ملتونو ته ځواب ووايی او امريكا د اتومی وسلو د سترو وسله كوټونو په درلودلو سره د ملتونو پر ضد د دغو وسلو د كارونكی په توګه زر تر زره د اتومی بی وسلی كيدا په زمينه كښې جدی ګامونه واخلی .
مهمان پرست وويل د تهران بيانيی له هيوادونو سره د رغنده ملګرتيا لپاره ارزښتمن فرصت برابر كړی دی چی دا چاره د نارغنده او تخريبی حركتونو په مقابل كښې غوره ده .
نوموړی د اتومی انرژۍ د نړيوال اژانس د عمومی مدير يوكيا آمنو په راپور نيوكه وكړه او ویې ويل د اژانس په راپور كښې د تهران بيانیې ته كومه اشاره نه ده شوی .
593626
