د ايران د قرانی خبری اژانس (ايكنا) د يو راپور پر اساس، په ملګروملتونو كښې د ايران د اسلامی جمهوريت د وزارت خارجه دايمی نمايندګۍ سلاكار اسد الله اشراق په جينيوا كښې د بشری حقوقو د شورا په څوارلسمې غونډې كښې په يوې وينا كښې دې ته په اشارې سره چې د نيواكی فلسطين مخ په خرابيدونكی حالات تل د نړيوالې ټولنې يوه جايزه او سمدستی اندیښنه ده وويل له بده مرغه دنيا په تيرو شپږو مياشتو كښې په پرله پسې ډول د فلسطين د بې ګناه خلكو پرضد د قدس د نيواكګر رژيم لخوا د نړيوالو بشردوستانه بشری حقوقو ، او د نړيوالو بشری حقوقو د پرله پسې، سيسټاماټيك او پراخو خلاف ورزيو كتونكی ده .
په ملګروملتونو كښې د ايران استازی زياته كړه په دې مينځ ومان كښې د ښارګيو دجوړولو دغير قانونی كار دوام ، د كورونو ړنګول ، د بې ګناه خلكو نيول او زندانی كول ، له شكنجې استفاده او نورو څاروی ډوله چلندونه ، دغزې تړانګې دكلابندۍ دوام ، په دغه سيمې دپوځی ځواكونو غچ اخستونكی حملې ، دسپیڅلی مذهبی ځايونو ړنګول ، دتوكمپالنې دبيلګې په توګه د توكمپال ديوال د جوړولو دوام ، او په نړيوالو اوبو كښسې د فلسطين غزې تړانګې ته د بشردوستانه مرستو په كاروان وروستۍ حمله دصهيونيسټ رژيم لخوا د ترسره شويو جنايتونو يوه كوچنۍ برخه ده .
په ملګروملتونو كښې د ايران استازی زياته كړه د ايران اسلامی جمهوريت يوځل بيا او په سخته دغزې خلكو ته دبشر دوستانه مرستو په كاروان دصهيونيسټ رژيم حمله چې دګڼ شمير بې ګناه كسانو دمړينې او ژوبليدا سبب شوه دنړيوالو حقوقو دښكاره خلاف ورزۍ او ديوه نړيوال جنايت دترسره كولو په توګه غندی او له هیڅ ډول ځنډ پرته په يوې نړيوالې محكمې كښې ددغه جنايت دترسره كونكو دمحاكمې كولو غوښتونكی دی .
دايران استازی وويل په دې ارتباط د ايران اسلامی جمهوريت دقدس دنيواكګر رژيم لخوا دنړيوالو حقوقو دخلاف ورزۍ دموردونو دپيژندلو او داسرايلو په جنايت دغور كولو او دحملې د ترسره كونكو كسانو د پيژندلو لپاره د يوې نړيوالې حقيقت موندونكی ډلې د جوړيدا غوښتنه وكړه
597635
