د امام حسین علیه السلام کانفرانس کې د پاکستان اهل سنت عالمان + انځور

نړیواله ډله: د امام حسین علیه السلام کانفرانس کې چې د پاکستان په پېښور ښار کې پيل شو او په کې د شیعیانو سره د اهل سنتو عالمانو هم ګډون وکړو.

قرآنی خبر خپروونکې نړیواله ټولنه(ایکنا) راپور له مخې، د Peshawar.icro خبرونو ویبپاڼې نه په نقل، دا کانفرانس د اتبار په ورځ د آبان میاشتې ۹ تاریخ باندې د پېښور تمبر پوره جامع جومات کې پيل شو، چې په کې د شیعه عالمانو سره سره د اهل بیت علیهم السلام مینوالو او د دغه سیمې خلکو هم ګډون ورکړو.

عالمانو او شتون لرونکې شخصیتونو په دغه کانفرانس کې د امام حسین علیه السلام او د هغې وفادارو ملګرو باندې او د اسلامی وحدت او یووالي اهمیت باندې تقریرونه هم وکړل.

مفتی نظام الدین، چې دغه کانفرانس کې تقریر کوونکو نه وو خپل تقریر کې د مسلمانانو ترمنځه د وهابیت فعالیتونو ته اشارې سره وویل: سعودی حکومت د اسلام دښمنانو مرسته کوې او د مسلمانانو ترمنځه ډله ډلبندۍ ته وده ورکوې، وهابیان او نجدیان اسلام په خطره کې اچولي.

هغه زیاته کړه: د دغه رنګ ډله ډلبندۍ سره مقابله لپاره باید یو اسلامی ځواک جوړ شي، لکه څرنګه چې امام حسین علیه السلام مونږ ته د یزیدیانو په خلاف پاڅون سره راکړې.

د دې راپور له مخې، پېښور کې د امام حسین علیه السلام دغه کانفرانس کې د پیغمبر اکرم صلی الله علیه و آله مدح او نعتونه د پاکستان شیعه او سنی مشهور نعت خوانو وړاندې کړل.

http://iqna.ir/fa/news/3542466