داعش د اسلام په ضد استخباراتی پروژه

نړیواله :ډیره ډیره عجیبه لوبه ده، په ګردیز کې د داعش ترهه ګری ډلی، یا د طالبانو ډلې د ویاند« ذبیح الله مجاهد » له قوله د داعش فتنی یو څو غړی، چی امریکی رامنځته کړې؛ په جومات کې د لمونځ کوونکیو په منځ کې ځانونه الوزوی، په لسګونو کورنۍ د خپلو عزیزانو په ویر کښېنوی، بیا هم په دې دومره ستر وحشت کې د جنت خوبونه وینی.

د ایکنا راپور له مخې، د پارس ټوډۍ نه په نقل،یعنی داعشیان جنت ته د تلو په تمه، دا ډول لمونځ کونکی د خدای په کور کی په شهادت رسوی. خو په جوزجان کې له ‌طالب سره په مقابله کې دومره بې ایمانه شی چې ډله ډله حکومت ته تسلیمېږی! د ویلو وړ ده؛ چی داعش د وهابیت او سلفیت له مفکوری څخه پیروی کوی. هغه مفکوره؛ چی دری پیړۍ وړاندی بریتانیی؛ د هغې په رامنځته کولو او رائیجولو کی مهم او اساسی رول ولوباوه. همدغه داعشیان، په جوزجان ولایت کی له طالبانو سره په جګړه کی دومره ویریدلی ؤو؛ چی د افغانستان د دفاع وزارت ځواکونو ته تسلیم شول. البته د طالبانو ډلې ویاند« ذبیح الله مجاهد » زموږ له خبریال سره په مرکه کی
ویلی دی: چی داعشیان تسلیم نه شول، بلکه د امریکائیانو او دولتی
ځواکونو په وسیله وژغورل شول، او د چورلکو په مرستې سره یی هغوی د طالبانو له کلابندۍ څخه آزاد کړل. آیا په دغه لوبه کې ډېر ښکاره د معاملې هغه استخباراتی اړخ له ورایه نه ښکاری؟
داعشیان په کوم منطق په جومات کې ځانونه الوزوی، او د عبادت او د خدای د بندګۍ په حال کی عام او بې وسلې خلګ په خاورو او وینو لغړوی، او د جنت خوبونه وینی، خو بیا په جوزجان کې د افغانستان هغو پوځیانو ته ژوندی ځانونه سپاری، چې دوی د هغو د سرونو غوڅول او آن د هغوی د ښځو او ماشومانو وژل روا بولی. سره له دې چې د افغانستان دولت؛ په تیره د یاد هیواد د دفاع وزارت په جوزجان کې د ۲۵۰ داعشیانو تسلیمی، خپله بریا بولی خو دغه پېښه هغه ټول شکونه او بدګومانۍ پیاوړی کوی، چې د دې ډلې او د افغانستان د یو شمیر امنیتی ارګانونو او امریکائیانو ترمنځ د تړاوونو په باب یې ادعا کېږی.
د طالبانو ډلې ویاند« ذبیح الله مجاهد » پدې باره کی زموږ له خبریال سره په مرکه کی وویل: په جوزجان؛ سرپل او فاریاب ولایتونو کی د داعش فتنې په ضد د طالبانو د ۲۴ ورځنیو عملیاتو په نتیجه کی، ۹۱ داعشیان په هلاکت ورسیدل، ۵ تنه ټیپان؛ او
همداراز ۱۳۰ داعشیان، د طالبانو په وسیله ژوندی ونیول شول. د هغه له قوله، له داعش څخه د ملاتړ په منظور، د طالبانو د اډو په خلاف د امریکایی او دولتی الوتکو د بمباریو له کبله، ۱۸ طالبان وژل شوی، او نور ۱۳ تنه ټپیان شوی دی، او د مجاهد له قوله، ۲۵۰ داعشیان د جوزجان ولایت د مغل په کلی کی، د طالبانو په وسیله کلابند شوی ؤو، چی د چورلکو څخه په استفادی سره، د افغانستان د دولتی او امریکایی ځواکونو له خوا وژغورل شول، او دغه چاره د افغانستان په ؤلسی جرګه کی د دغه هیواد د ختیځ نمایندګانو، او تر ډېره آن د اچین او شینوارو د قومی مشرانو ادعاوې ریښتیا کوی، چې هوایی ځواکونه د طالبانو مرکزونه ځپی، او داعش ته لاره خلاصوی، یا داعش جنګیالی په چورلکو کې له کلابندیو ایستل کېږی او خوندی سیمو ته رسول کېږی. واقعیت دا دی چې که داعش استخباراتی پروژه نه وای؛ له را پورته کېدو سره به سمدستی له منځه تللې وای. خو داعش ډله چې د افغانستان دولت او بهرنیانو پرلپسې هېڅ بللې، د خپلو داخلی او بهرنیو اربابانو په وسیله ورځ تر بلې ځواکمنه شوې، او اوس هر افغان پدی باور دی چې هغه داعشیان چی په جوزجان کې د طالبانو په کلابند کی ؤو، په ریښتیا هم، د امریکی او د
افغانستان د دولت په وسیله له بربادۍ وژغورل شول.
که د ۲۵۰ داعشیانو د تسلیمۍ خبره ریښتیا وی، بیا خو باید داعش په جوزجان کې سر راپورته نه کړی. همدغه کرښې دې پرې ګواه وی چې بیا بیا به دا ثابته شی چې په افغانستان او سیمه کې د جګړې د دوام ماموریت د همدې ډلې په نامه جنګیالو ته سپارل شوئ، او داعش به ورځ تر بلې د یوه ستر خطر په بڼه ځان ښیی. که افغان ولس، د افغانستان حکومت او سیاسی ډلې مسوولانه ګام وانخلی، د افغانستان ؤلس به هره ورځ د ګردیز د جمعې ورځی غمیزې په څېر په ماتم ډوب وی.
http://parstoday.com/ps/news/middle_east-i75311