IQNA

20:34 - December 29, 2020
د خبر لمبر: 3483941
تهران (ایکنا) -زمونږخبریال وايي د افغانستان د ننګرهار دپوهنې ریس حسیب الله شینواری وایي وروسته له هغې چې پوهنې وزارت د مالي ستونزو له امله د ننګرهار پوهنې ریاست اړوند د نږدی دوه زره قرار دادي ښوونکو قراردادونه تمدید نکړل او همدارنګه خواوشاه یو نیم زر نور ښوونکي د عمر زیاتوالي او خدمت مودې د پوره کیدو له امله تقاعد ته مجبوره کړې شول دننګرهار پوهنیز بهیر د ښوونکو د کمبود له ستونزی سره مخ شو .

نوموړی وویل له  پرله پسی هڅو سره سره  د قراردادي ښوونکو د بیا قرار داد لپاره امکانات برابر نکړای شول نو  دهمدې امله یې دننګرهار له خلکو غوښتنه وکړه چې لږ تر لږه هره کورنۍ یو(1) لوستی ځوان یا پیغله ښوونځیو ته  دتدریس لپاره ورمعرفي کړي.

حسیب الله شینواري وویل خلکو د دوې دا نوښت خوښ کړ او په همدې موخه یې د چارو د ښه تنظیم لپاره د څلورو(4) علمي او کلتوری بنسټونو سره د همکارۍ هوکړه لیکونه هم لاسلیک کړل.

د  نوموړي پر وینا تر اوسه له څلورسوه(400) ډیر  ځوانان چې نجونې هم پکې دي او زیاتره یې د پوهنتون زدکړیالان دي د رضا کاره ښوونکو په توګه ورپېژندل شوي او دا لړۍ لا هم دوام لري. هغه وویل دغو رضاکاره ښوونکو ته به د دندې په  پاې کې دپوهنې  ریاست له لورې یوه تصدیقپاڼه ورکول کیږي چې دوې سره به د کاري تجربې په برخه کې مرسته وکړي.
ننګرهار کې دا مهال نهه سوه دوه(902) بابه ښوونځی دي چې نږدې یوملیون زده کوونکي پکې پر زده کړو بوخت دي  او ددغه زده کونکو دزده کړو بهیر د خواوشاه شپاړس زره(16000) رسمي ښوونکو له لورې پر مخ بیول کیږي .

تهران راډیو

د خبر لمبر:
بريښناليک:
* ستاسو نظر:
* captcha: